Mətbuat-Monitorinq 13.03.15

Rəsmi qəzetlər dövlət başçısı İlham Əliyevin Bərdə rayonuna səfəri, bəzi obyektlərin açılışında iştirakı haqda xəbərləri ilk səhifələrdə yerləşdiriblər. 

“Azadlıq” qəzeti Milli Şuranın “Talana son” şüarı ilə martın 15-də saat 15:00-da metronun “İnşaatçılar” stansiyası yaxınlığındakı “Məhsul” stadionunda keçirəcəyi mitinqi xalqa xatırladaraq “hamı mitinqə” çağırışını manjetə çıxarıb. AXCP sədri Əli Kərimli mitinqdə kütləvilik təmin oluna bilsə hökumətin xalqdan qorxaraq özünü yığışdıracağını bəyan edib.

Çernobıl Əlilləri İsmayıllı şöbəsinin başçısı Məleykə Lətifova, məktəbli forması tikən fabrikin direktoru Lətafət Məmmədova “Azərbaycan saatı” verilişinin əməkdaşı Elçin İsmayıla qarşı şərəf və ləyaqətin tapdanması iddiası ilə məhkəməyə müraciət ediblər, hazırlıq iclası aprelin 9-na təyin edilib.

Manatın devalvasiyası ilə bağlı ölkədə yaranan yeni itqitsadi situasiyada ərzaq bazarında əsaslı yer tutan “Azərsun”un qiymətləri 50% bahalaşdırmaq bəyanatını qəzet “Əliyevin sözünün yenə də eşidilməməsi” kimi dəyərləndirir.

“Demokratiya, insan haqları Avropa İttifaqını xarakterizə edən dəyərlərdir” mövqeyini səsləndirən qurumun Bakı nümayəndəliyinin rəhbəri Malena Mard qurumla Azərbaycan arasında prioritetləri diqqətə çatdırır.

Tərtərdə ekstremist dini cərəyan üzvü olmaq ittihamı ilə həbsə alınan Vüqar Əliyevin qardaşı Anar Əliyev evlərinə silah-sursatı əməliyyatçıların qoyduğunu bildirib.

“Ekspress”  2014-cü ildə 1816 azərbaycanlı qızın əcnəbilərlə ailə qurmasını önə çəkib.

“Novoe Vremya” qəzeti parlamentin komitə sədri Hadı Rəcəblinin əlavə pul qazanmaq üçün müəllimlərin dərsdən sonra fəhləlik edə bilməsi haqda açlıqmasına “müəllimləri təhqir” mövqeyini önə çəkib.

“Bizim yol”  Mərkəzi Bankın “Xüsusi ehtiyatların yaradılması qaydaları”na dəyişiklikləri “Mərkəzi Bankdan bankları xilas edən mühüm qərar” kimi dəyərləndirərək ilk plana çıxarıb.

Qəzet ekspertlərə isnadən ilin sonuna kimi dolların bahalaşmasının davam edəcəyini nəzərə çatdırır.

“Yeni Müsavat”  erməni idmançıların Bakıya gəlməkdən imtina etmələri  iddiasını önə çəkib və buna səbəb kimi Ermənistan Milli Olimpiya Komitəsi rəhbərinin maliyyləşdirdiyi federasiyaları Avropa Oyunlarına göndərməməklə onu aşağılayan Ermənistan dövlət başçısını cəzalandırmasını göstərir.

Qəzet iş adamı Füzuli Qasımovun nazir Ziya Məmmədovu üstələyən şərik tapdıqdan sonra ölümünü müəmmalı adalndırır, yaxınları iş adamının intihar etməsi, müflis olması haqda xəbərləri əsassız sayırlar.

Tərtərdə gəncləri Suriyaya göndərməkdə ititham edilərək həbsə alınan Zülfüqar İbrahimlinin bacısı qardaşının Tərtərin keçmiş başçısı Sərdar Həmidovun oğlu ilə çəkişməsinin qurbanı olduğunu iddia edir.