Rəsmi qəzetlər Fransa prezidenti Fransua Ollandın Azərbaycana səfəri, dövlət başçısı İlham Əliyevlə görüşü, Bakıda Fransız Liseyində aparılan tikinti işləri ilə tanış olması, hər iki dövlət başçısının birgə mətbuat konfransı haqda xəbərləri ilk səhifələrə çıxarıblar.
“Azadlıq” qəzeti Fransa prezidenti Fransua Ollandın Azərbaycanın aparıcı müxalifət partiyaları və vətəndaş cəmiyyəti institutlarının təmsilçilərilə görüşünü manjetə çıxararaq bu görüşü “prezidentin rəsmi Bakını məyus etməsi” adlandırır.
Mingəçevirdəki “Heydər” məscidinin imam müavini Müşfiq Nəcəfovun şərəf və ləyaqətinin tapdanması iddiası ilə məhkəməyə verdiyi “Azadlıq”qəzetinin bölgə müxbiri Azər Tağızadə ilə bağlı məhkəmənin hazırlıq iclası keçirilib.
30 sutkalıq inzibati cəza alaraq Binəqədi müvəqqəti təcridxanasında saxlanılan AXCP üzvü Kəmalə Bənənyarlı burada işgəncələrə məruz qalması haqda qəzetə yazıb.
AMAY şirkətlər qrupunun preizdenti Abdulla Abdullayev ev dustaqlığına buraxılmayıb. Vəkili Əkbər Bağırov isə onun həbsdə saxlanmasının qanunsuz olduğunu bildirir.
AZAL şirkətinin zərərlə işləməsi haqda bəyanatına ekspertlər “sərnişin dövriyyəsinin ilbəil artması nəzərə alınsa bu, inandırıcı görünmür” mövqeyini ifadə ediblər.
“Ekspress” qəzeti 20 ildir ki. davam edən “atəşkəs rejimi”ni “sülhə aparmayan atəşkəs” adlandıraraq mövzunu ilk səhifəyə çəkib.
“Bizim yol” Fransa prezidenti Fransua Ollandın “Azərbaycana xüsusi kontekstdə gəlmişəm, Ukrayna hadisələri baş verir” bəyanatını “Bakıda mühüm mesajlar verməsi” kimi dəyərləndirərək önə çəkib.
Qəzet qeyd edir ki, hazırda həbsdə saxlanılan tanınmış jurnalist Rauf Mirqədirovun ailə üzvlərilə görüşünə qadağa qoyulub.
“Yeni Müsavat” məmurların Qobustandakı tarixi “qaval daşları”nı bağlarına daşımaları haqda xəbəri ilk səhifəyə çıxarıb.
Qəzetin yazdığına görə, “Gənclər Klubu” 28 may Respublika Günü münasibətilə Bakıdan Ankaraya yürüş təşkil etməyi nəzərdə tutub.
Qəzet Fransa prezidenti Fransua Ollandın müxalifət liderləri və vətəndaş cəmiyyəti institutları təmsilçilərilə görüşünü “Avropanın aparıcı dövlətindən müxalifətə böyük jest” kimi dəyərləndirir.
Qəzet qeyd edir ki, NİDAçı gənclərin həbslərinə etiraz olaraq aksiyada iştiraka görə inzibati cəza alaraq Binəqədi təcridxanasında saxlanılan fəallar Kəmalə Bənənyarlının intihara cəhd etdiyini bildirirlər.
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz