Mətbuat-Monitorinq 13.12.12

Rəsmi qəzetlər mərhum dövlət başçısı Heydər Əliyevin anım mərasimində iştirakla bağlı yazılar dərc ediblər. 

“Azadlıq” qəzeti Azərbaycanın Rusiyaya 1.2 milyard manatlıq hərbi texnika sifariş verdiyini və əhəmiyyətli hissəsini artıq aldığını yazır.

“Freedom House” təşkilatının  2012-ci il hesabatında Azərbaycanın adı yenə də azad olmayan ölkələr sırasında çəkilib. 

Rəsmi Bakının müxtəlif  təzyiqlərinə məruz qalan tanınmış ziyalı Rüstəm İbrahimbəyov dövlət başçısı İlham Əliyevin onun barəsində tərif dediyi videogörüntüləri yayıb. 

Rusiyanın Qəbələ RLS-dən imtinası ilə bağlı qəzetə şərh verən ekspertlər bu faktın münasibətlərə mənfi təsir edəcəyi barədə xəbərdarlıq ediblər. 

Ağdamda bir ailə zəhərlənib, 2 nəfər vəfat edib. 

“Zerkalo” ekspertlərə istinadən Rusiyanın Qəbələ RLS-dən imtinasını Qarabağ məsələsində birmənalı olaraq Ermənistanın tərəfində olacağı kimi şərh edir.  

“Ekspress”. Səhiyyə Nazirliyi yeni il hədiyyələri satan sahibkarlara “nöqsanlar aşkar olduqda onların 200-400 manat arasında cərimə olunacaqları barədə xəbərdarlıq edib. 

2013-cü ildə ipoteka məqsədləri üçün dövlət xəttilə 100 milyon manatın ayrılacağı gözlənilir. 

“Exo” ekspertlərə istinadən terrora məruz qalması baxımından Azərbaycanın dünya ölkələri sıarasında 81-ci yeri tutduğunu yazır. 

“Novoe Vremya” Rusiyanın Qəbələ RLS-dən imtina etməsini rəsmi Bakının “balanslı siyasəti”nin sonu sayaraq faktı iqtidarın “öz siyasətinin tələsinə düşməsi” kimi dəyərləndirir. 

“Bizim yol”. PA rəhbəri Ramiz Mehdiyev toplantı keçirərək işçilərini onunla bağlı mətbuatın yazdıqlarına inanmamağa çağırıb, yeni təyin edilən 4 müavini isə bu tədbirə qatılmayıb.  

Qəzet İran parlamentarilərinə istinadən yaxın iki ildə paytaxtın dəyişdiriləcəyini bildirir. Yeni paytaxt olmağa azərbaycanlıların yaşadığı Təbrizin şansı çoxdur.

“Yeni Müsavat” yaydığı videolarla iqtidar daxilinə çaxnaşma salan keçmiş rektor Elşad Abdullayevin yeni “video-bomba partladacağı” anonsunu verir. 

Mərkəzi Bankın rəhbəri Elman Rüstəmovun da adı şərti “milyarderlər ittifaqı”nın təsisçiləri arasında keçir və bu iqtidarın qəzəbinə səbəb olub. 

Bakının məşhur “sovetski” məhəlləsinin sökülməsi haqda qərar verilib.   

Qəzet Penitensiar Xidmətə istinadən 11 və 17 saylı həbsxanaların rəhbərləri səviyyəsində kadr dəyişikliklərinin olduğunu bidirir.