Mətbuat-Monitorinq 14-15.10.12

Rəsmi qəzetlər dövlət başçısı İlham Əliyevin qəbulları haqda yazırlar. 

“Azadlıq” qəzeti dövlət başçısı İlham Əliyevin bp-ni kəskin tənqidə məruz qoymasına məşhur “Forbes” jurnalında dərc edilən cavab məqaləsindəki uzaq məqsədli “proses zamanı İlham Əliyevin özünə böyük ziyan dəyməyəcək ki?” 

mövqeyini “Qərbin İ.Əliyevi devirmək hədəsi” adlandırır.  

RF prezidenti Putinin dostu İlham Rəhimov Azərbaycan mobil rabitə bazarının təqribən 70%-nə nəzarəti əlinə alıb. 

Rəsmi Bakının siyasi məhbusları zindanda saxlaya bilmək üçün başqa ölkələrə enerji məsələsində güzəşt etməyə hazır olması haqda K.Ştrasserin açıqlamasını “iqtidarı ifşa” sayır. 

“Bandotdel”in Cəlilabad, İmişli, Masallı, Biləsuvar və digər rayonlarda apteklərlə bağlı əməliyyat keçirməsinə qəzet bandotdel” apteklərdə nə axtarır?” sualı ilə qarşılıq verir. 

Heftçilərin hüquqlarının müdafiəçisi Mirvari Qəhrəmanlı dövlət başçısının bp-nin Azərbaycana 8 milyard dollar zərər vurmaq ittihamına “məmurlara məxsus əməliyyat şirkətlərinin ölkəyə vurduğu ziyanın yanında bp-nin 8 milyardı heç nədir” mövqeyini ifadə edib.      

“Yeni Müsavat”  dövlət başçısı İlham Əliyevin bp-ni tənqid etməsinə cavab olaraq məşhur “Forbes” jurnalında dərc edilən məqaləni “Qərbin Azərbaycana neft müharibəsi elan etməsi” kimi dəyərləndirir. 

Politoloq Eldar Namazov dövlət başçısının bp-ni tənqidilə bağlı qəzetə “bu addımlar istər birbaşa, istərsə də dolyaısı ilə 2013-cü il prezident seçkilərinə bağlıdır və hakimiyyət böhran içindədir” şərhini verib. 

Dövlətin partiyalar üçün ayırdığı vəsaitdən müxalifətin aparıcı partiyaları olan Müsavat və Xalq Cəbhəsi məhrum edilib. 

Balakəndə qaz və işıq problemilə bağlı keçirilən aksiyada rayon icra başçısının istefası tələb edilib, aksiya polis gücünə yatırılıb, rayon rəhbərliyi isə vəd verməklə kifayətlənib. 

Qəzet oktyabrın 14-də Bakıda yağan yağışlardan sonra paytaxt küçələrində yaranmış biabırçı mənzərələri oxuculara təqdim edən fotolar yayıb. 

“Bakı Xəbər” BMT-nin xüsusi hesabatında “Cüney Azərbaycan məsələsi” ilə bağlı “doğma dildə yazıb-oxumaq istəyənlər separatçı adı ilə həbsə atılır” sözlərinin əksini tapmasına diqqət çəkir.