Bakıya yağan leysan məmurların vədlərinin yalan olduğunu göstərdi

 

Oktyabrın 14-də yağan qəfil leysan nəticəsində Bakıda dünya subasmasına oxşar mənzərə müşahidə olundu: şəhərin mərkəzində seldə batan avtomobillər, dizəcən suyun içində olan adamlar, su ilə dolmuş piyada keçidləri, zirzəmi mağazalar. Bu kiçik faciələr real olaraq bir daha sübut etdi ki, Bakı yağmurlu payıza hazır deyil.

Məmurlar isə vəd etmişdilər ki, 2013-cü ilədək Bakıda mövcud kanalizasiya xətləri təmir olunacaq, həmçinin yeniləri tikiləcək. Xatırladaq ki, kanalizasiya sisteminin yenidən qurulması dövlət başçısının Bakının ekoloji durumunun yaxşılaşdırılması barədə 26 sentyabr 2006-cı il tarixli sərəncamına əsasən aparılır.

Azərbaycanın milli su operatoru “Azərsu” ASC  paytaxt küçələrində yağış sularının toplanmasının qarşısının alınması üçün guya gücləndirilmiş tədbirlər görüb. Bu barədə onların məlumatında aydın şəkildə deyilir:

“Şəhər küçələrində yağış suyunun toplandığı yerlərdə suyun axması üçün üstü məsaməli leysan kanalizasiyaları tikilir. Artıq şəhərin 69 məntəqəsində  tikinti-montaj işləri aparılır. Həmçinin drenaj sisteminin yaradılmasının layihələndirilməsi, küçə və prospektlərdə yağış suyunun axması üçün şəbəkələrin qurulması üzrə işlər aparılır. 

Elmi Tədqiqat Su Problemləri İnstitutu tərəfindən layihə-smeta sənədləşməsi hazırlandıqdan sonra tikinti işlərinə başlanılacaq.

Belə çıxır ki,  aldatdılar? Yenə də kağız üzərində sevindirici hesabat? 

Hazırda küçələrin yalnız 10%-də yağış suyunun axması üçün məsaməli kanalizasiya var və bunlar da əsasən şəhərin mərkəzi hissələrində yerləşdirilib. 2011-2013-cü illərdə Bakının və şəhərətrafı kəndlərin sosial-iqtisadi inkişafı üzrə   Dövlət Proqramının icrası çərçivəsində ətraf qəsəbələrdə kanalizasiya şəbəkələrinin tikintisi yolu ilə yağış sularının axması üçün drenaj sisteminin yaradılması planlaşdırılır.  

Lakin “Azərsu” ASC-nin növbəti hesabatı bizi sevindirdi: belə ki, qurum avqust ayında Bakıda 17 kilomertlik su kollektorunu, həmçinin 980 yağış məsaməsini və 416 su axarını təmizləyib.  

“Görülmüş tədbirlər güclü yağış zamanı küçələrdə yağış suyunun toplanmasına imkan verməyəcək, kollektorla suyun normal axmasına imkan verəcək ki, bu da Bakının ekoloji vəziyyətini  yaxşılaşdıracaq. 

Bununla yanaşı, fotolardan aydın görünür ki, , yerli məmurların öyündükləri yerləri,  Fəvvarələr Meydanı və Nizami küçəsini elə su basıb ki, pilləkənlərdən şəlalə axıb sanki. Adamlar səkilərə dırmanıb, lakin bu da kömək etməyib. Çünki leysan səkini də caynağına alıb. Yaşayış evlərinin bloklarını su basıb.

-  Yollarda dəhşət baş verirdi. Mənim avtomobilim sualtı qayığa dönmüşdü az qala. Yaxşı ki, bu yaxınlarda şüşəqaldırıcıları təmir etdirmişdim, yoxsa getmişdim”, qonşum S.Xəlilov zarafatla deyir. - Üzən təkcə mən deyildim. Belə təəssürat yaranır ki, kanalizasiya ümumiyyətlə işləmir.

Bu qurumun digər məlumatına görə, son yarım ildə Bakıda 204 km. kanalizasiya şəbəkəsi, 58 km. yağış kollektoru, 11 min su axarı və 7 min yağış üçün məsamə təmizlənib.

Lakin oktyabrın 14-də Bakıda yağan leysan sözügedən qurumun bütün vədlərini elə kanalizasiyaya yuyub apardı.

Həm də bizim ümidlərimizi. Ümid edirdik ki, 2012-ci ilin payızı bizə xoşagəlməz günlər gətirməyəcək. Artıq ikinci ildir ki, bir azacıq yağış yağan kimi bu narahatlığı yaşayırıq. Maraqlıdır, “Azərsu” ASC-nin məmurları özünə bəraət qazandırmaq üçün hansı arqumentləri gətirəcəklər? 

Çox güman ki, yenə də bizi növbəti vədlərlə “sevindirəcəklər”. 

Yana Madatova

Rəy yaz

Söz istəyirəm

Navalnının ölümü: Siyasi məhbusların həyatına görə kim məsuliyyət daşıyır? – Bəşir Süleymanlı Çətin sualda



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti