Demokratik Qüvvələrin Məşvərət Məclisi noyabrın 3-də Bakıda demokratik seçkilər və korrupsiyaya qarşı mübarizə tələbi ilə mitinq keçirməyi planlaşdırır. Bu barədə Turan-a
Məşvərət Məclisinin İdarə Heyətinin üzvü, Açıq Cəmiyyət Partiyasının rəhbəri Sülhəddin Əkbər bildirib.
Onun sözlərinə görə, aksiya Azərbaycan Konstitusiyasının 49-cu maddəsinə uyğun olaraq aşağıdakı şüarlarla keçiriləcək: “Seçkilərdə korrupsiyaya son qoyulsun!”, “Rədd olsun korrupsiya və məmur özbaşınalığı!”, “Mülkiyyət hüquqları bərpa edilsin!”, “Evlərin qanunsuz sökülməsinə son qoyulsun!”, “İşsizliyə və yoxsulluğa son qoyulsun!”, “Əmək hüquqları təmin edilsin!”.
Təşkilatçılar Bakı meriyasına xəbərdarlıq məktubunda aksiya üçün 5 yer göstəriblər: “Azadlıq”, Füzuli meydanları, Səməd Vurğun bağı,
“Təbriz” və Nərimanov kinoteatrlarının qarşısındakı meydanlar. Aksiyada 10 minə yaxın adamın iştirakı nəzərdə tutulur. Aksiyanın saat 16:00-dan 18:00-dək keçirilməsi planlaşdırılır.
Demokratik Qüvvələrin Məşvərət Məclisi bu il sentyabrın 5-də yaradılıb. Quruma Aydınlar, Açıq Cəmiyyət, Liberal, Azad Azərbaycan, Azadlıq, Liberal-Demokrat, İslam – Demokrat, Böyük Azərbaycan, Milli İstiqlal, Klassik Azərbaycan Xalq Cəbhəsi və Yaşıllar Partiyası daxildir.–06B-
Siyasət
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
Rəy yaz