Rəsmi qəzetlər Diplomatik Akademiya və İnformasiya Texnologiyaları Universitetinin bazasında XİN nəzdində “ADA” Universitetinin yaradılması haqda sərəncam imzalayıb.
“Azadlıq” qəzeti nazirlərin kabinetlərinə xüsusi qurğuların quraşdırılması xəbərini ilk səhifəyə çıxararaq bunu “iqtidarın təhlükəsizlik tədbirlərini gücləndirməsi” adlandırır.
Qarabağ qazisi Zaur Həsənlinin faciəvi ölümünə etiraz aksiyasında iştiraka görə inzibati cəzadan azadlığa çıxan Samir Poladov Binəqədi təcridxana rəisinin saxlanılanlara təzyiqlər etməsi haqda açıqlama verib.
Müsavat Partiyası başqanının müşaviri Tofiq Hüseynli partiyanın Milli Şuradan çıxmaq barədə qərarına baxmayaraq, qurumda fəaliyyətini davam etdirəcəyini deyib.
Qəzet əhali üçün benzinin qiyməti bahalaşdığı halda bu bahalaşmanın hakim ailənin əlində olan “SilkWay” şirkətinə şamil edilməməsini nəzərə çatdırır.
Hüquq müdafiəçiləri “Azəriqaz” sistemində işçilərin ixtisarına hazırlaşdığını, bir çox idarələrdə fəhlələrin ixtisar olunduğunu bəyan edirlər.
“Ekspress” Suriyada rəsmi Bağdada qarşı döyüşlərdə iştirak edən Azərbaycan vətəndaşlarını bu ölkəyə kimlərin göndərdiyi sualını gündəmə gətirir.
Ali Hərbi Məktəbin keçmiş rəisi Mirzəli Yusifovun həbsə alındığını yazan qəzet ona rüşvət almaq ittihamının irəli sürüldüyünü bildirir.
Qəzetin yazdığına görə, Türkiyənin “Onur Air” şirkəti qazanclı olmadığı üçün İstanbul-Gəncə reysini bağlamağa hazırlaşır.
“Exo” ekspertlərə istinadən 2013-cü ildə ölkədə icazəsiz olaraq 4 min evin tikildiyini, 2014-cü ildə bu rəqəmin 5 minə yüksələcyini bildirir.
“Novoe Vremya” dəm qazından zəhərlənənlərin çoxsaylı olmasına baxmayaraq, bu faktların araşdırılmadığını və günahkarların müəyyənləşdirilmədiyini qeyd edir.
“Bizim yol” Ali Hərbi Məktəbin keçmiş rəisi Mirzəli Yusifovun həbsini keçmiş nazir Səfər Əbiyevin adamının həbsi, səs-küylü həbslərin yeni dalğasının başlaması kimi dəyərləndirir.
“Xəzər Gəmiçilik” QSC-də külli miqdarda yeyintinin aşkarlandığını yazan qəzet bunu keçmiş rəis Aydın Bəşirovun həbsinə hazırlıq kimi dəyərləndirir.
“Yeni Müsavat” Müsavat Partiyası başqanının müşaviri Yadigar Sadıqlının saxta ittiham əsasında 6 il azadlıqdan məhrum olunmasını önə çəkib.
“İsmayıllı olayları” məhkəməsində hakimə haqlı etirazına baxmayaraq, vəkil Fuad Ağayev 220 manat cərimə edilib.
Milli Şuranın sədri Cəmil Həsənli Müsavat və Xalq Cəbhəsi partiyaları arasında qarşılıqlı gərgin münasibətə obrazlı “Osmanlı-Səfəvi müharibəsi kimi müharibə getməsi” mövqeyini ifadə edib.
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz