![Mətbuat-Monitorinq 14.08.14](https://turan.az/resized/media/2014/main/081300087111-750-500-resize.webp)
Mətbuat-Monitorinq 14.08.14
Rəsmi qəzetlər dövlət başçısı İlham Əliyevin Slavyan Universitetinin nəzdində məktəb-lisey kompleksinin əsaslı təmirdən sonrakı vəziyyətilə tanış olması haqda xəbəri, “Balıqçılıq haqqında” qanunun mətnini səhifələrində yerləşdiriblər.
“Azadlıq” qəzeti Azərbaycanda vətəndaş cəmiyyətinə kütləvi təzyiqlərlə bağlı ABŞ və Avropa İttifaqı təmsilçilərinin məsləhətləşmələrə başlamasını “repressiyaların Qərbi hərəkətə keçirməsi” adlandıraraq manjetə çıxarıb.
Qəzet Dini Etiqad və Vicdan Azadlığını Müdafiə Mərkəzinin rəhbəri İlqar İbrahimoğlunun vahid siyasi məhbus siyahısını imzaladığını bildirir.
Gəncə məhkəməsi jurnalist Ərşad İbrahimovu 11 il azadlıqdan məhrum edib, yaxınları bu həbsi jurnalistin bir neçə il öncə əxlaqsızlıqda ifşa etdiyi Kəlbəcər rayon təhsil şöbəsinin keçmiş müdiri Məhəmməd Bağırovun qisası sayırlar.
“Freedom House” beynəlxalq hüquq təşkilatı tanınmış vəkil İntiqam Əliyevin həbsini “rəsmi Bakının vətəndaş cəmiyyətini məhv etməkdə qərarlı olması”nın göstəricisi adlandırır.
Ekspertlər dövlət başçısı İlham Əliyevin Soçi görüşü barədə özünün açıqlama verməməsinə “görüşün faydasız və səmərəsiz olması” şərhini veriblər.
Tələbə Qəbulu üzrə Dövlət Komissiyasının keçmiş əməkdaşı Fərman Abdullayev bu qurumun istənilən nümayəndəsinin abituriyentin qazandlğı nəticələri istədiyi anda dəyişmək imkanına malik olduğu bəyanatını səsləndirib.
“Ekspress” ölkə ərazisində yağış yağmaması üzündən dəmyə taxılın məhv olduğunu, payız meyvələrinin isə böyüməməsini ilk səhifəyə çəkib.
“Exo” ekspertlərə istinadən dünya bazarında neftin ucuzlaşması prosesinin sentyabrın sonuna kimi davam edəcəyini proqnozlaşdırır.
“Novoe Vremya” Qarabağ münaqişəsinin uzun müddət davam etməsinə baxmayaraq, tənzimlənməməsinə “uzanan sülh tənzimlənməsi” yeni müharibəyə səbəb ola bilər” mövqeyini nümayiş etdirir.
“Bizim yol” PA-nın şöbə müdiri Əli Həsənovun Soçi görüşünün bəzi detallarını açıqlamasını “şok detallar” adı ilə ilk səhifəyə çıxarıb.
Masallı Ziyalılar Birliyinin rəhbərliyi rayondakı qanunsuzluqlara əhəmiyyət verməyən Masallıdan olan deputatları məhkəməyə veriblər.
“Yeni Müsavat” Soçi görüşündə dövlət başçısı İlham Əliyevin Sərkisyana “faşist” deməsini əsas sayaraq ilk səhifəyə çıxarıb.
“Sumqayıt”-“Qarabağ” futbol komandalarının matçında Sumqayıt polisi “Qarabağ” azərkeşlərinin gətirdiyi “Şəhidlər ölməz, Vətən bölünməz!” plakatını “bizə şəhid lazım deyil” devizi ilə stadiona keçirməyə imkan verməyib.
-
- Siyasət
- 13 Avqust 2014 20:05
-
- İqtisadiyyat
- 14 Avqust 2014 13:26
Cəmiyyət
-
Azərbaycandan Avropa Şurasının Parlament Assambleyasına (AŞPA) ölkədə sentyabrın 1-də keçiriləcək parlament seçkilərini müşahidə etmək üçün rəsmi dəvət göndərilməyib. Azərbaycan Xarici İşlər Nazirliyinin (XİN) sözçüsü Ayxan Hacızadə deyib ki, onlar 7 beynəlxalq təşkilata dəvət göndəriblər: “ATƏT Demokratik Təsisatlar və İnsan Haqları Bürosu, Müstəqil Dövlətlər Birliyi, İslam Əməkdaşlıq Təşkilatı, GUAM, Qoşulmama Hərəkatı Gənclər Təşkilatı, Şanxay Əməkdaşlıq Təşkilatı, Türk Dövlətləri Təşkilatı XİN-in dəvət etdiyi təşkilatlardır”.
-
Bakının Qaradağ rayonundan yeni köçkün qrupu Şuşa şəhərinə gedib, Qaçqınların və Məcburi Köçkünlərin İşləri üzrə Dövlət Komitəsi bildirib. Şuşanın yetmiş doqquz sakini, o cümlədən 21 ailə doğma şəhərə qayıdıb.
-
"Gənc Qazilər" İB-nin Qəbələ rayon Filialının sədri, ikinci Qarabağ Vətən müharibəsinin iştirakçısı, Qazi Bəhram Nuruyev intihara cəhd edib. Vaxtında müalicəsinin düzgün aparılmaması və psixoloji durumunun yerində olmaması səbəbindən, dünən Qəbələ rayonunda özünü güllə ilə vurub.
-
İyulun 31-də paytaxtda yağıntı gözlənilmir. Cənub-qərb küləyi əsəcək, günün ikinci yarısında şimal-qərb küləyinə keçəcək.
Rəy yaz