Rəsmi qəzetlər dövlət başçısı İlham Əliyevin Belçikaya işgüzar səfərə getməsini, sovet rejiminin Naxçıvanda muxtar respublikası qurmasının 90 illiyinin qeyd olunması ilə bağlı sərəncam imzalamasını ilk səhifələrə çıxarıblar.
“Azadlıq” qəzeti ölkə yollarındakı duruma görə nəqliyyat naziri Ziya Məmmədovun “Azəryolservis”in şefi Cavid Qurbanova xəbərdarlıq etməsini manjetə çıxaırb.
Qarabağ qazisi Zaur Həsənlinin faciəvi ölümünə etiraz olan aksiyada iştiraka görə aldığı inzibati cəzadan sonra azadlığa çıxan gənc fəal Türkel Əlisoy bu cəzalarla iqtidarın gəncləri qorxuda bilməyəcəyini bəyan edib.
Milli Şuranın üzvləri “Yeni Müsavat” qəzetinin redktoru Rauf Arifoğlunu bu müxalifət qurumunu dağıtmaqda ittiham edən açıqlamalar veriblər.
Rəsmi Bakının Mərkəzi Seçki Komissiyası sistemində maaşları artırmasına ekspertlər “iqtidarın özü üçün zəruri saydığı, öz işinə yarayan adamların maaşını artırması” şərhini veriblər.
“Zerkalo” Qarabağ münaqişəsinin tənzimlənməsinə mane olan əsas qüvvə kimi Rusiyanı gösətərərək “ancaq Rusiya bu münaqişədən istifadə edərək böyük müharibə yolu ilə Cənubi Qafqazda öz təsirini bərpa edər bilər” şərhini verir.
“Ekspress” Səbayel Rayon İcra Hakimiyyətinin uyğun icazəsi olmasına baxmayaraq, bu rayonun Polis İdarəsi rəisinin qəzet satışına mane olduğunu və bu haqda Mətbuat Şurasının Daxili İşlər Naziliyinə müraciət ünvanladığını yazır.
“Novoe Vremya” ölkədə iqtisadi azadlıqların olmamasını “siyasi azadlıqların olmamasının göstəricisi” kimi dəyərləndirir.
“Bizim yol” nəqliyyat naziri Ziya Məmmədovun “Azəryolservis”in sədri Cavid Qurbanovu ağır ittihamlarıa məruz qoymasını “nazirin sədri yıxıb-sürüməsi” kimi nəzərə çatdırır.
Qəzet ölkə banklarının 1 milyard dollara çatan vaxtı keçmiş kreditlərin qaytarılmamasını yazaraq bu kreditlərin əksər hissəsinin iş adamlarına verildiyini bildirir.
“Yeni Müsavat” müxalifət qüvvələrinin birliyi olan Milli Şuranı “Rusiya layihəsi, Putinin Bakıda son qılıncı”, Müsavat Partiyasının qurumu tərk etməsini isə ölkənin müstəqilliyini qorumaq missiyasına sadiq qalması adlandırır.
Qəzet rəsmi Bakını ADR-in qurucusu Məhəmməd Əmin Rəsulzadənin 130 illik yubileyinin təntənəli qeyd olunması ilə bağlı sərəncam versə də sərəncamdan irəli gələn tələbləri yerinə yetirməməkdə ittiham edir.
İntihar etmiş əsgər Rüstəm Quliyevin qardaşı Emin Quliyev açıqlamasında qardaşının intiharına səbəb kimi işgəncələrə məruz qalmasını göstərir.
Müdafiə nazirınin hərbi xidmətə çağırışçıların hərbi qarnizonlardakı tibbi komissiyadan keçməsi haqda əmri nazirin Hərbi Xidmətə Çağırış üzrə Dövlət Qurumunun “əl-qolunu bağlaması” adlandırır.
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz