Mətbuat-Monitorinq 15.10.15

“Azadlıq”  qəzeti nəqliyyat naziri Ziya Məmmədovdan sonra hakimiyyətin hədəfinə fövqəladə hallar naziri Kəmaləddin Heydərovun gələcəyi iddiasını önə çəkərək bunu iqtidarın “böyük güclərlə” üzülüşməsi kimi dəyərləndirir.

Diplomatiya Akademiyasında çıxış edən ABŞ-ın Azərbaycanda səfiri Sekutanın Liviyadakı böhranın səbəbi kimi Qəddafinin 42 illik hakimiyyətini göstərməsini   qəzet səfirin avtoritarları bundan dərs götürməyə səsləməsi kimi şərh edir. 

Azərbaycan və Türkmənistandakı siyasi repressiyalardan yazan “Vaşinqton Post” qəzeti Türkmənistanı bu sahədə Azərbaycandan “nümunə” götürməkdə suçlayır.

2 saylı həbsxana rəhbərliyi REAL sədri İlqar Məmmədovla bir kamerada olan məhbusları onunla üz-üzə qoymaq səyləri nəticə vermədiyi üçün dustaqları karsa salırlar.

Qəzet ad çəkmədən bir sıra məmur və deputatların ölkədən çıxışlarına qeyri-rəsmi qadağanın qoyulduğunu iddia edərək buna səbəb kimi “nurçu”larla bağlı olduqlarını göstərir.

Seçkilərdən sonra hakimiyyətin kütləvi ixtisarlara gedəcəyini yazan qəzet büdcə təşkilatlrıanda 65 yaşdan yuxarı bütün işçilərin ixtisar ediləcəklərini bildirir.

Deputat Yevda Abramov Azərbaycanda yaşayış minimumunun yaşamaq üçün yetərli olmadığı, ölkənin qazlaşma problemi yaşadığı barədə bəyanat səsləndirib. 

“Ekspress”  Ankaradakı terror aktının 15 yaşlı şahidinə isnadən  “terrorçular azərbaycanca danışırdılar” iddiasını diqqət mərkəzinə çəkib.

“Exo” ölkənin əmək qabiliyyətli əhalisinin yarısının bank krediti olmasını önə çəkərək hər ikinci ailənin iki və daha çox banka borcu olduğuni bildirir.     

“Novoe Vremya” Qərbin Rusiya qazının əvəzinə Azərbaycan qazı almaq niyyətində olmasını “Qərb Bakını yenə də qaz müharibəsinə çəkməsi” kimi ilk plana çıxarır.

“Bizim yol” dövlət başçısı İlham Əliyevin ölkədə rüşvət və korrupsiyanın olması haqda çıxışından sonra deputatların bu haqda danışmalarına “prezidentin sərt çıxışının deputatların “dilini açması” şərhini ilk səhifəyə yerləşdirib.

Ekspertlər keçən il ilə müqayisədə bu il əhalinin kredit ödəməsinin yarıbayarı azaldığı, gözlənilən növbəti devalvasiyanın durumu da da çətinləşdirəcəyi bəyanatını səsləndirirlər.   

“Yeni Müsavat”  Azərbaycanın ABŞ səfirliyi bu ölkədə keçirilən tədbirdə Azərbaycan səfirinin “Xəzər insidenti”nə görə Rusiyanı tənqid etməsi haqda ABŞ mətbuatının yazılarını təkzib edib.

Tanınmış ilahiyyatçı Tale Bağırzadə ölkədəki vəhabilərin arxasında oliqarxların dayanması haqda bəyanat verib.

Müsavat Partiyası sədrinin müavini, həbsdə olan Yadigar Sadıqlının qızı Rövşanə Səmədova iş üçün müraciət etdiyi bank rəhbərlərinin atasının müxalifətçi olduğunu əsas gətirməklə onu işlə təmin etmədiklərini bildirir.

Suraxanı III saylı seçki dairəsindən namizəd, “Təmiz Dünya” İctimai Birliyinin sədri Mehriban Zeynalovanın seçki qərargahına basqın edilib, plakatları cırılıb.

Qəzet Beynəlxalq Banka kredit borcuna görə beynəlxalq qalmaqalın yetişdiyini yazır, belə ki, “İnter” futbol komandasının bolqarıstanlı keçmiş məşqçisi Georgi Nikolov 4.5 milyon dojlar borc adı ilə ölkədən buraxılmır.