Mətbuat-Monitorinq 15.11.13
Rəsmi və iqtidaryönlü qəzetlər dövlət başçısı İlham Əliyevin “Bakı Ağ şəhər” bulvarında görülən tikinti işləri ilə maraqlanması, bir çox ölkələrin səfirlərinin etmadnamələrini qəbuıl etməsi barədə xəbərləri ilk səhifələrə çıxarıblar.
“Azadlıq” qəzeti 1989-cu ildən nəşr edilir. Rəsmi Bakının müdaxiləsi ilə 2013-cü il noyabrın 12-dən nəşrini dayandırıb.
“Zerkalo” rəsmi Kremlin ATƏT-in Minsk Qrupuna münasibətini “bu qrupun “öldürülməsi”nin Putin Rusiyasının maraqlarına tam cavab verməsi” kimi dəyərləndirir.
“Ekspress” yazır ki, 17 saylı həbsxana rəhbərliyi 5 məhbusun irəli sürdüyü tələbləri qanunsuz sayaraq yerinə yetirməyib, buna cavab olaraq məhbuslar özlərini doğrayıblar, tələblərin nədən ibarət olması açıqlanmır.
Qəzet Müdafiə Nazirliyində Təlim-Tədris Mərkəzi və Raket-Artilleriya qoşun xidməti rəislərinin işdən çıxarıldığını, Kəşfiyyat İdarəsi rəisinin isə sərəncama göndərildiyini bildirir.
Qəzet qeyd edir ki, metro satansiyalarında qəzet yayımını təşkil edən “Metroservis” firması qapadılıb.
“Novoe Vremya” ölkə əhalisinin Bakıya axışmasına baxmayaraq, rəsmi Bakının regionlarda 400 minə yaxın iş yeri açıldığı haqda bəyanatlarını “nağıl” adlandırır.
“Bizim yol” Dövlət Neft Şirkətinin Sosial İnkişaf İdarəsinin ləğv olunacağını, 400 əməkdaşa işdən azad olunacaqları barədə xəbərdarlığı “şirkətdə kütləvi ixtisarların başlması” kimi dəyərləndirir.
“Yeni Müsavat” Dövlət Əmlak Komitəsinin sədri Kərəm Həsənovu bitirəcək şübhəli maliyyə əməliyyatlarına dair dosyeləri ələ keçirdiyini iddia edir.
Mühakimə edilən keçmiş deputat Gülər Əhmədovanın iddialarına baxmayaraq, ekspertiza deputatın mühakiməsinə səbəb olan video-sənədlərin orijinal olduğu rəyi açıqlayıb.
PA-nın şöbə müdiri Əli Həsənovun müstəqil qəzetlərin problemlərinə dair açıqlamasını fəaliyyəti dayandırılan “Azadlıq” qəzetinin redaktoru Rahim Hacıyev “bundan sonra ancaq iqtidara loyal qəzetlərin yaşamaq şansının olması” bəyanatı adlandırıb.
Sahibkarların daha çox gömrük orqanlarında qanunsuzluqalrla üzləşmələrinə toxunan ekspertlər bu orqanları “sahibkarlığın qəniminə çevrilən dövlət qurumu” sayırlar.
-
- Bazarların icmalı
- 15 Noyabr 2013 10:43
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz