Mətbuat-Monitorinq 16.10.15
Rəsmi qəzetlər dövlət başçısı İlham Əliyevin MDB dövlət başçılarının iclasında iştirak etmək üçün Qazaxıstana yol düşməsi haqda xəbərləri ilk səhifələrdə yerləşdiriblər.
“Azadlıq” qəzeti iri məmurların fəaliyyətinin yoxlanıldığını yazaraq Etibar Pirverdiyev, Əli Həsənovun və Qorxmaz Hüseynovun hədəfdə olmasını manjetə çıxarıb.
Amerikalı ekspertlər Ağ Evi avtoritar rejimlərə qarşı mübarizədə demokratiyanı dəstəkləməyə çağıraraq bunu “sabitliyin ən yaxşı qarantı” adlandırıblar.
Aydınlar Partiyasının sədri Qulamhüseyn Əlibəyli parlament seçkilərinin ədalətli olmayacağına “seçkilərin nəticələri öncədən bəllidir” bəyanatını səsləndirib.
Ekspertlər seçicilərin 82%-nin yenilik istəməməsi kimi sorğuların nəticələrini rəsmi Bakının “gülünc oyunları” kimi dəyərləndiriblər.
Nəqliyyat Nazirlıyinin inzibati xətalarla bağlı 7 funksiyası yol polisinə verilib.
3250 iş adamının cinayət məsuliyyətinə cəlb olunması fonunda dövlət başçısının sahibkarlara sayğıdan danışmasına qəzet “sahibkarı cinayətkara çevirən hakimiyyət” şərhini verir.
Ölkədə sahibkarların sıradan çıxarılması prosesinin davam etdiyini yazan qəzet kredit borcu adı ilə 4 min nəfər sahibkarın ölkədən çıxmasına qadağa qoyulduğunu bildirir.
Ekspertlər Mərkəzi Bankın öz nizamnamə kapitalını 10 milyon manatdan 500 milyon manata qaldırmasını “ölkədə bankların sayını əhəmiyyətli dərəcədə azaltmaq istəyi” kimi dəyərləndiriblər.
“Ekspress” ölkə əhalisinin sayının 9,5 milyon nəfəri keçməsini və ölkədə hər 1000 kişiyə 1009 qadının düşməsi kimi statistik rəqəmləri diqqət mərkəzinə çəkir.
“Exo” Rusiyanın Xəzər dənizi vasitəsilə raket zərbələrindən istifadə etməsinə cavab olaraq Xəzəryanı ölkələrin hərbi dəniz qüvvələrini gücləndirmək qayğısı yaranmasını önə çəkir.
“Novoe Vremya” Rusiyanın islam dünyasının müdafiəçisi kimi çıxış etdiyi iddiasını ön plana çıxarıb.
“Bizim yol” paytaxtın mərkəzində evlərindən çıxarılanların mənzillərini Bakı meriyasının kirayə verməsi kimi sensasion iddianı ilk səhifəyə yerləşdirib.
Erməni əsirliyində olan Dilqəm Əsgərovun qardaşı Sahib Əsgərov Mehdiabadda özünə aid torpaq sahəsində ev tikintisinə başlayıb, polis tikintini dağıdıb, özünü həbs ediblər.
“Yeni Müsavat” dövlət başçısı İlham Əliyevin korrupsiya və rüşvət əleyhinə çıxışından sonra ölkə prokurorluğunda xüsusi qrupun yaradılmasını “yeni antikorrupsiya həbslərinin başlaması” kimi ilk səhifəyə çıxarıb.
Həbsdə olan Müsavat Partiyasının başqan müavini Yadigar Sadıqlının qızının işə qəbul edilməməsini vəkil Elman Fəttah “ailə repressiyasının tərkib hissəsi” adlandırır.
Vicdan məhbusu Sirac Kərimli kor bağırsağının partlaması üzündən həbsxanada əməliyyat edilib.
-
- İqtisadiyyat
- 16 Oktyabr 2015 12:48
-
- Cəmiyyət
- 16 Oktyabr 2015 13:09
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz