“Meydan” TV-nin redaktoru, yazar Günel Mövludun Biləsuvar rayonunda saxlanılan qardaşı Vəkil İmanovun barəsində 4 ay, Sumqayıtda saxlanılan qardaşı Raci İmanovun barəsində 3 ay müddətində həbs qətimkan tədbiri seçilib. Bu barədə Turan-a vəkil Nemət Kərimli bildirib.
Vəkil bu gün Biləsuvar rayonuna gedərək V. İmanovun saxlanması, barəsində həbs qətimkan tədbirinin seçilməsinə dair qərarı əldə edəcək, müstəntiqlə görüşəcək.
“İlk növbədə həbs qətimkan tədbirindən apellyasiya şikayəti verəcəm”, - o qeyd edib.
N.Kərimli müdafiə etdiyi şəxslərin həbsinin bacıları G. Mövludun fəaliyyəti ilə bağlı olduğunu düşünür.
“Qardaşlar narkotik maddə ilə əlaqədar saxlanılıblar. Azərbaycanda son dövrlər saxlanılan siyasətçilərin əksəriyyəti narkotik maddə ittihamı ilə saxlanılır. Qardaşların hər hansı günahı yoxdur. Necə olur ki, qardaşların biri Sumqayıtda, digəri Biləsuvarda eyni vaxtda, təxminən 10-15 dəqiqə fərqlə saxlanılır?”, - vəkil sual edib.
Qardaşlar oktyabrın 13-də narkotik maddə ittihamı ilə saxlanılıblar.
G.Mövlud hazırda xaricdədir. O, hakimiyyətin ünvanına tənqidi məqalələri ilə tanınır.--03B06--
Cəmiyyət
-
Noyabrın 8-i Azərbaycanda Zəfər Günü kimi qeyd edilir. Azərbaycan 2020-ci ildə 44 günlük müharibə və 2023-cü ildə birgünlük hərbi əməliyyatla ərazi bütövlüyünü bərpa edib. Azərbaycan, Ermənistan və Rusiya dövlət başçıları arasında atəşkəs bəyanatı imzalansa da, dörd il keçməsinə baxmayaraq, Bakı və Yerevan hələ də sülh müqaviləsi imzalanmayıb.
-
Şənbə günü Bakıda və Abşeron yarımadasında yağış yağacağı, bəzi yerlərdə intensiv olacağı gözlənilir.
-
Azercell Cup 2024 proqramlaşdırma müsabiqəsinin qalibləri üçün beynəlxalq olimpiadalara hazırlıq dərsləri başlayıb. İnformatika üzrə biliklərinin gücləndirilməsi məqsədilə ümumtəhsil müəssisələrinin 6-cı və 7-ci sinif şagirdləri hazırlıq proqamına cəlb olunublar.
-
Lider mobil operatordan “HONOR” cihazları əldə edən abunəçilərə “SuperSən6GB” tarif paketinə iki aylıq abunəlik hədiyyə Azercell noyabr ayının 8-i Zəfər Gününə özəl kampaniyaya start verir. Kampaniya çərçivəsində "Azercell Eksklüziv" və diller mağazalarından HONOR” smartfonu və ya planşeti əldə edən müştərilərə “SuperSən6GB” tarif paketinə iki aylıq abunəlik həddiyə edilir. Qeyd edək ki, kampaniya 229 AZN-dən başlayan cihazlara şamil olunur.
Rəy yaz