![Mətbuat-Monitorinq 16.11.12](https://turan.az/resized/750/500/resize/media/2012/main/111600018273.jpg)
Mətbuat-Monitorinq 16.11.12
Bugünkü qəzetlərin aparıcı mövzuları “Siyasi partiyalar haqqında” qanuna nəzərdə tutulan dəyişikliklər, şərti milyarderlər ittifaqı ilə rəsmi Bakı arasında münasibətlər, tanınmış ziyalı Rüstəm İbrahimbəyovun rəsmi Bakını tənqidə məruz qoymasına cavab olaraq rəsmi Bakının onun barəsində dərc etdirdiyi “kompromat”lardır.
Rəsmi qəzetlər dövlət başçısı İlham Əliyevin Çeçenistan prezidenti Ramzan Kadırovu, Beynəlxalq Valyuta Fondunun nümayəndəsini qəbul etməsi haqda yazırlar. Bundan əlavə, bu qəzetlərdə dövlət başçısının bəzi qanunlara dəyişikliklər edilməsi haqda sərəncamlarının mətnləri dərc olunub.
“Yeni Azərbaycan” qəzeti isə müxalifət qüvvələrinin dövlət büdcəsini tənqid etməsinə təhqiramiz cavab verib.
“Azadlıq” qəzeti iqtidarın terror qorxusu yaşaması iddiasını ilk səhifəyə çıxararaq rəsmi Bakının hüquq-mühafizə orqanlarını bir nömrəli hazırlığa gətirdiyini yazır.
İctimai Palata Demokratik Qüvvələrin Məşvərət Məclisilə əməkdaşlıq müraciətinə müsbət cavab verib.
Qəzet partiyalarla bağlı qanuna gözlənilən dəyişikliklərdə üzvlüyə məcburetmə və üzvlükdə məcburi saxlama haqda yüksək cərimə nəzərdə tutmasını “partiyalara qanun tələsi” adlandırır.
“Gilan” zavodunun “Yeni Müsavat” qəzetinə qarşı 50 min manatlıq cərimə iddiasını Bakı Apellyasiya Məhkəməsi qüvvədə saxlayıb.
Dövlət başçısının qudası Araz Ağalarov deputatlar Siyavuş Novruzov və Qüdrət Həsənquliyevi “sifarişli tənqid söyləməkdə” ittiham edib.
Politoloq Eldar Namazov son vaxtlar siyasi fəallığın qarşısını almaq üçün qanunlara edilən dəyişiklikləri “siyasi isterikanın təzahürü” adlandırıb.
“Ekspress” partiyalarla bağlı qanuna üzvlüyə və üzvlükdə saxlamağa məcburetmə ilə bağlı dəyişikliyin yüksək cərimələr nəzərdə tutmasını “partiya cərimələrinin artırılması” kimi dəyərləndirir.
“Exo” qəzetinə şərh verən təhsil üzrə ekspertlər ölkədə gənc kadr hazırlığı prosesinin xaotik xarakterli olduğunu, tənzimləmə və təhsil proiqnozları olmadığı üçün bir sahədə kadr çoxluğu, digərində isə kadr azlığı yaşandığını bildiriblər.
“Novoe Vremya” ölkədə siyasi fəallığın qarşısını almaq üçün rəsmi Bakının qanun vasitəsilə cəzaları sərtləşdiməsini məcazi olaraq “iqtidarın “qaykaları bərkitməsi” kimi dəyərləndirir.
“Bizim yol” qəzeti partiyalarla bağlı qanuna dəyişiklikdə üzvlüyə məcburetmə və
məcburi üzvlükdə saxlama ilə bağlı cərimə və həbs nəzərdə tutmasnı “iqtidarın liderləri həbs etməyi, partiyaları bağlamağı” palnlaşdırması adlandırır.
Qəzetə şərh verən politoloqlar RF-in Azərbaycanfakı səfiri V.Doroxinin Zaqatalada milli azlıqların nümayəndələrilə görüşünü “Kremlin Azərbaycana daha bir zərbəsi” adlandırırlar.
Qəzet Statistika Komitəsinin bu ilin 10 ayı ərzində ümumi daxili məhsulun cəmi 1% artması haqda açıqlamasını “inkişaf nağıllarının rəsmən bitməsi” hesab edir.
“Yeni Müsavat” qəzetinin iddiasına görə, “LUKoyl”un prezidenti Vahid Ələkbərovun Azərbaycan iqtidarından inciməsinə Bakıda kilsə tikdirmək istəyinə mənfi cavab alması səbəb olub.
Qəzet partiyalara üzv olmağa və ya üzvlükdə saxlamağa görə qanuna dəyişiklikdə cərimə ilə yanaşı 2 il həbs cəzası nəzərdə tutulmasını “müxalifət liderlərinin həbsinə zəmin hazırlanması” sayır.
Deputat Fəzail Ağamalı bildirib ki, parlamenti sirkə və zoosirkə bənzətdiklərinə görə məhkəməyə verilən politoloqlar İlqar Məmmədov və Zərdüşt Əlizadənin hər birinin 100 min manat cərimə olunması tələb ediləcək.
-
- Siyasət
- 15 Noyabr 2012 18:28
-
- İqtisadiyyat
- 16 Noyabr 2012 10:49
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz