![Mətbuat-Monitorinq 17.04.14](https://turan.az/resized/750/500/resize/media/2014/main/041700075795.jpg)
Mətbuat-Monitorinq 17.04.14
Rəsmi qəzetlər dövlət başçısı İlham Əliyevin qəbulları, aqrar sahədə islahatların sürtətləndirilməsilə bağlı tədbirlər barədə fərman imzalaması, Gimnastika Arenasının açılışında iştirakı haqda xəbərləri ilk səhifələrə çıxarıblar.
“Azadlıq” qəzeti son vaxtlar ölkədə “nurçu”ların kütləvi saxlanması ilə bağlı dövlət başçısı İlham Əliyev və Türkiyənin baş naziri Ərdoğanın görüşü fonunda “nurçu ovu” kimin planı ilə aparılır?” mövzusunu ilk plana çıxarıb.
Dövlət başçısı İlham Əliyev Dini Komitədə daha bir müavin ştatı olması ilə bağlı qurumun əsasnaməsinə dəyişiklik edən fərman imzalayıb.
Rəsmi Bakının eyni zamanda İsrail, Türkiyə və İranla müttəfiq ola bilməyəcəyini iddia edən ekspertlər bu durumu “Əliyevin geopolitik dalanda olması” kimi şərh edirlər.
Xarici donorların ölkə QHT-lərinə ayırdığı vəsaitlərin ölkədə “inqilab” etməyə nəzərdə tutulması haqda rəsmi Bakının iddialarını ekspertlər “iqtidarın demokratik proseslərdən qorxması” kimi dəyərləndirirlər.
Qəzet dövlət başçısı İlham Əliyevin ölkədəki qanunsuzluqlar edənlərin cəzalandırılacağı vədi verməsi, amma vədini tutmamasını ironik olaraq “İ.Əliyevin aprel zarafatları” adlandırır.
Gömrük sistemində idxalla bağlı büdcədən yayınmalar nəticəsində ölkə 2010-12-ci illərdə 4,6 milyard manat itirib.
“Zerkalo” Salyanda su, kommunal xidmət və sosial məşğulluq idarələri məmurları “rüşvət” tələb etmək ittihamı ilə həbsə alınan vətəndaş cəmiyyəti fəalı Tofiq Qasımovun onlardan rüşvət tələb etməsi haqda iddiaları rədd ediblər.
“Ekspress” 20140cü ilin ilk rübündə xarici ticarət dövriyyəsinin 17% azaldığını yazaraq bunu “idxal-ixracda geriləmənin davam etməsi” adlandırır.
PA ictimai-siyasi şöbəsinin müdiri Əli Həsənov ölkədə təkcə “nurçuluq” və vəhabiliyin deyil, digər cərəyanların da gücləndirilməsi səylərinin olması bəyanatı səsləndirib.
“Exo” keyfiyyətsizliyinə görə istehlakçının aldığı malı geri qaytarıb pulunu apla bilməməsi baxımından Azərbaycanın Avropada yeganə ölkə olması xəbərini manjetə çıxarıb.
“Novoe Vremya” Azərbaycanda QHT-lərin hüquqi əsaslarla yox, siyasi mülahizələrə görə qeydə alınmaları prosesinə “qeydə alınmaq üçün siyasi loyallıq mübadiləsi” mövqeyini ifadə edir.
Qəzet hakimiyyətin yerlərdə məmurları dəyişsə də bütünlükdə mahiyyətini dəyişmək istəməməsinə “heç nəyi dəyişməmək üçün, dəyişək” ironiyası bildirir.
“Bizim yol” ölkənin nəqliyyat sistemi rəhbərlərinin dəyişəcəyini yazaraq nəqliyyat sektorunda böyük dəyişikliklərin olacağı iddiasını ilk yerə çıxarıb.
Dövlət başçısı İlham Əliyevin paytaxt küçələrində avtomobillərin saxlanmasına görə yığılan pulların hara getməsinin bəlli olmaması açıqlamasına qəzet “bu pullar Nəqliyyat Nazirliynə daxil olur” araşdırması ilə cavab verib.
“Yeni Müsavat” Naxçıvan rəhbəri Vasif Talıbovun “nurçu”larla əlaqəsinə görə Türkiyənin baş naziri Ərdoğanın hədəfində olması məsələsini önə çəkib.
Qəzet qeyd edir ki, Türkiyə mediası Bakıda “nurçu” adı ilə saxlanılan şəxslərin “adları Ərdoğanın “dosyesində” olmayanlar hesab edir və buna görə “baş naziri kim aldatdı?” sualını gündəmə gətirir.
Naxçıvanda uğradığı haqsızlıqların aradan qaldırılmamasına cavab olaraq ağ bayraq qaldıraraq Ermənistana keçmək istəyən Naxçıvan sakini Nazim Məmmədov ictimiayyətdən gizlədilir.
Qəzetin iddiasına görə, rəsmi Bakı baş nazirin keçmiş müavini Abbas Abbasovun oğlu deputat Aydın Abbasovun Gəncədəki biznesini tamamilə çokdürüb.
-
- İqtisadiyyat
- 17 Aprel 2014 12:10
-
- İqtisadiyyat
- 17 Aprel 2014 12:33
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz