Rəsmi və hökumətyönlü qəzetlər dövlət başçısı İlham Əliyevin Şamaxı səfəri və islam dünyasının ən qədim məscidlərindən olan Şamaxı “Cümə” məscidinin təmir-bərpa işlərindən sonra açılışında iştirakını ilk səhifələrə çıxarıblar.
“Azadlıq” qəzeti Azərbaycan vətəndaşı olan erməni Qriqori Ayvazyanın Azərbaycan prezidenti olmaq istəməsilə bağlı bəyanatını ilk səhifəyə çıxarıb.
“Azad gənclik” gənclər qurumunun rəhbəri Ülvi Həsənlinin məhkəmə cəriməsi icbari əməklə əvəzlənib.
İqtidar keçmiş deputat Gültəkin Hacıbəyliyə qarşı “ifşa şousu” hazırlayır və bu məqsədlə Goranboya çəkiliş qrupları göndərilib.
Britaniya mediası rəsmi Bakının özünə fərqli imic yaratması üçün xərclədiyi pullara “neft gəlirlərinin Azərbaycan vətəndaşlarına çatmalı olduğu halda britaniyalı deputatların cibinə axması” kimi dəyərləndirir.
Müxalif siyasətçilər ölkədəki ictimai-siyasi durumu “xalqın inqilaba, iqtidarın əks-inqilaba köklənməsi” kimi qiymətləndiriblər.
“Zerkalo” qəzeti internetlə bağlı rəsmi Bakının cəzaları sərtləşdirməsinə “beynəlxalq qurumlar pisləyir, amma, deyəsən, bu iqtdiarı maraqlandırmır...” mövqeyi ifadə edib.
“Ekspress” qəzeti istintaqa isnadən yazır ki, Almaniya vətəndaşı Şider Vüsal Adolf ailə qurmaq istədiyi qız buna razılıq vermədiyi üçün qızı və ailəsini sosial şəbəkələrdə biabır edəcəyi şantajına görə mayın 2-də Bakıda qətlə yetirilib.
“Novoe Vremya” qəzeti rəsmi Bakının internetlə bağlı cəzaları sərtləşdirməsini “repressiya maşınının sürət götürməyə davam etməsi” kimi dəyərləndirir.
“Bizim yol” qəzeti rəsmi Bakının Azərbaycanda fəaliyyət göstərən QHT və beynəlxalq qurumların ermənilərlə əlaqələrini ciddi şəkildə məhdudlaşdırmasını “xalq diplomatiyasının qanunla qadağan olunması” kimi şərh edir.
“Yeni Müsavat” qəzeti bir sıra beynəlxalq qurumların rəsmi Bakının internetlə bağlı cəzaları sərtləşdirməsini pisləməsini “beynəlxalq qurumlardan internet qadağasına sərt təpki” adlandırır.
Sosial şəbəkələrdə iqtidarı tənqidlərə məruz qoyan gənclərin həbslərini ekspertlər rəsmi Bakının “qorxu mühitini gücləndimək istəməsi” kimi şərh ediblər.
Cəmiyyət
-
Azərbaycana İrandan gətirilən bəzi şirniyyatlarda GMO (genetik materialı dəyişdirilmiş orqanizmlərə verilən addır) aşkarlanıb. "Qida təhlükəsizliyi haqqında" Qanuna görə, qeydiyyatdan keçməyən genetik modifikasiya olunmuş yem məhsullarının istehsalı, emalı, dövriyyəsi qadağandır. Qeydiyyata alınması üçün həmin məhsullar həyat və sağlamlığa zərərli olmamalı, istehlak xüsusiyyətləri ilə bağlı istifadəçilər aldadılmamalıdırlar.
-
Ölkədə qış mövsümündə havaların soyuq keçməsi ilə əlaqədar mövsümi xarakter daşıyan respirator virus infeksiyalarına yoluxma hallarının artması müşahidə olunur. Bununla əlaqədar adaptasiya dövründə olan gənc əsgərlərin sağlamlığının qorunması məqsədilə hərbi hissələrdə onlarla görüşə müvəqqəti məhdudiyyət qoyulub. Bu barədə Müdafiə Nazirliyi məlumat yayıb.
-
Yanvarın 17-də Bakıda hava tutqun olacaq, səhər və axşam yağıntı gözlənilir. Şimal-qərb küləyi cənub-şərq küləyinə keçəcək.
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
Rəy yaz