Hüquq müdafiəçiləri Rusiyanın başqa ölkələrin QHT-lərinə nəzarət təcrübəsinin tətbiq ediləcəyindən ehtiyat edir
Çağırışçıları, hərbi qulluqçuları və alternativ xidmət göstərənləri dəstəkləyən “Cəmiyyət və Ordu” beynəlxalq hüquq müdafiə təşkilatları şəbəkəsi mayın 16-17-də Kiyevdə (Ukrayna) işgüzar görüş keçirib.
Azərbaycan Hüquq Müdafiə Mərkəzinin (AHM) direktoru Eldar Zeynalov görüşdə əsgər ölümlərinə qarşı etiraz edən NİDA gənclər hərəkatı fəallarının, habelə dini səbəblərlə orduda xidmət etməkdən imtina edən “Yeqova şahidləri” dini icmasının iki üzvünün həbsi haqqında məsələ qaldırıb. Ermənistanda bu icma üzvlərinin eyni səbəblə çoxsaylı həbsi faktları qeydə alınıb. Ermənistanın müstəqilliyi ərzində 364 Yeqova Şahidi dini səbəblərlə orduda xidmət etməkdən imtinaya görə həbs edilib.
Rusiyadakı vəziyyətə xüsusi diqqət yetirilib. Burada çağırışçıların, hərbi qulluqçuların və alternativ xidmət göstərənlərin hüquqlarını müdafiə edən bir çox təşkilatlar bu il prokurorluq tərəfindən “xarici casuslar” kimi kütləvi yoxlamalara məruz qalıblar. Rusiyalı həmkarların danışdıqları Rusiya qanunvericiliyini təkrar etmək təcrübəsinin mövcud olduğu digər MDB ölkələrində də vəziyyətin təkrarlanacağından narahatlıq doğurub, deyə Zeynalov qeyd edib.
Görüşün nəticələrinə görə şəbəkə QHT fəalları, hökumətlər, beynəlxalq təşkilatlar üçün öz tövsiyələrini işləyib hazırlamağı qərara alıb.
“Cəmiyyət və Ordu” 2009-cu ildə Müstəqil Dövlətlər Birliyinin iştirakçısı olan yeddi ölkədən on iki qeyri-hökumət təşkilatı tərəfindən yaradılıb. Təşkilatın fəaliyyətinin əsas məqsədi hərbi qulluqçuların, habelə hərbi xidmətə çağırılmalı olan və ya alternativ xidmət keçən vətəndaşların hüquqlarına və əsas azadlıqlarına riayət olunmasında demokratik standartları irəli sürməkdir. -0-
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz