Laçının işğalından 21 il keçir

Bu gün Azərbaycanın qərbində Ermənistan və Dağlıq Qarabağ arasında yolu keçdiyi mühüm strateji məntəqə olan Laçın Şəhərinin erməni silahlı qüvvələri tərəfindən işğalından 21 il keçir.

Laçına hücum mayın 9-da Şuşa şəhərinin ermənilər tərəfindən işğalından sonra başlayıb.

Elə həmin gün düşmən iki tərəfdən – Şuşa və Ermənistan tərəfdən Laçına intensiv artilleriya atəşi açmağa başladı. Mayın 11-12-də yenə iki tərəfdən laçına hücum başladı.

Şəhəri müntəzəm ordu hissəsi və özünümüdafiə batalyonları müdafiə edirdi. Lakin rəhbərliyin hərbi cəhətdən intizamsızlığı və Bakıda hakimiyyətin böhranı ilə əlaqədar şəhəri əldə saxlamaq mümkün olmadı.

Mayın 18-də saat 04.00-05.00 radələrində düşmən hərbi texnikası Laçın şəhərinə daxil oldu. Ordu hissələrinin və özünümüdafiə dəstələrinin düşməni şəhərdən sıxışdırıb çıxarmaq cəhdləri uğurlu olmadı. Laçın uğrunda döyüşlərdə Azərbaycan tərəfi həm hərbiçi, həm də mülki əhali arasından çox sayda itkilər verdi. Onlarla mülki şəxs əsir götürüldü.

Laçın rayonunun ərazisi 1835 kv. km təşkil edir. İşğala qədər rayonda 120 kənd var idi və 48 min nəfər yaşayırdı.

Rayon iqtisadiyyatı əsasən heyvandarlıq təsərrüfatlarından ibarət id. İşğal zamanı sosial-iqtisadi və mədəni obyektlərlə yanaşı, qədim tarixi abidələr – Xocaz kəndində mağara-məbəd (5 əsr), Cicimli kəndində “Məlik-acar” türbəsi (14 əsr), Zeyva kəndində Kafir qalası (17 əsr), Akeri çayı üzərindəki körpü (17 əsr) və s. -0-