Rəsmi və iqtidaryönlü qəzetlər dövlət başçısı İlham Əliyevin ölkənin şimal bölgəsinə səfəri, Siyəzəndə atası, mərhum dövlət başçısı Heydər Əliyevin adına Mərkəzin açılışında iştirakı, deputat Mehriban Əliyevanın Fransaya səfəri haqda yazırlar.
“Azadlıq”qəzeti hüquq müdafiəçisi Mətanət Əzizlinin oğluna “anasının dilinin kəsilib susdurulması” ilə bağlı hədə-qorxusu gəlinməsini ön plana çıxarıb.
Rusiyanın Volqoqrad Şəhər Prokurorluğu bu şəhərin tarixi ərazisində “Bakı parkı”nın salınmasının və Heydər Əliyevə abidə qoyulmasının əleyhinə çıxıb.
Qəzetin iddiasına görə, YAP-dan olan və bitərəf deputatlara seçki müddətində Bakıdan kənara çıxmaq qadağan edilib, onlar müxalifətin hücumlarına cavab verməlidirlər.
Hər hansı cinayətə yol vermədiyi halda “Texnikabank”ın əməkdaşı və AXCP sədri Əli Kərimlinin qaynı Elnur Seyidova 11 il həbs cəzası istənilməsini ekspertlər iqtidarın Ə.Kərimlidən qisas alması adlandırırlar.
Milli Şuranın üzvü Vidadi Mirkamal iqtidar hakimiyyəti seçki yolu ilə təhvil vermədiyi halda ölkədə “ərəb baharı”nın başlana bilməsinə işarə edib.
“Ekspress” hərbçiləri aparan avtobusun aşması, bir zabitin həlak olması, 7 əsgərin yaralanması haqda xəbəri ilk səhifəyə çıxarıb.
Evlənmək üçün qaçırılma və ya könüllü qaçma yolu ilə qurulan ailələrin 75%-nin sonu boşanma ilə başa çatır.
“Azadlıq” qəzeti borcunu tələb etmək məqsədilə “Qasid” firması önündə aksiya keçirsə də firma borcu qaytara bilməyəcəyini bildirib.
“Exo” 20 ilə ərzində Abşeronda qrunt sularının 16 metr qalxmasını manjetə çıxarıb.
Qəzet ekspertlərə istinadən ölkədə minimal istehlak səbətinin dəyərinin 165 manat təşkil etdiyini bildirir.
Bakının hündürmərtəbəli binalarında mənzillərin 10%-i boşdur.
“Novoe Vremya” Azərbaycan XİN-in Qarabağ münaqişəsinin həllində vasitəçilərin heç bir iş görə bilməməsi, amma bununla belə əməkdaşlığın davam edəcəyi kimi ziddiyyətli bəyanatını önə çəkib.
“Bizim yol” Naftalanın icra başçısının hərbi xidmət keçməsə də dövlət qulluqçusu statusu daşımasına diqqət çəkib.
Lənkəranda narkotik maddə ittihamı ilə həbsə alınan Şaiq Ağayevin qohumları həyatlarına polis tərəfindən təhlükə olduğunu bildirirlər.
Qadın hüquq müdafiəçiləri qadınları seksual zorakılıqdan müdafiə etmək üçün Cinayət Məcəlləsinə seksual təcavüzlə bağlı maddələr salınmasını vacib sayırlar.
“Yeni Müsavat” “Azərsu” ASC-nin 1, 3 milyard manatlıq layihəni qohumlar arasında bölüşdürməsini ilk səhifəyə çəkib.
Türkiyənin “Hürryyət” qəzeti nəqliyyat naziri Ziya Məmmədovun oğlu Anar Məmmədovun ada almasına dair mövqeyini dərc edib, amma təkzib verməyib, qəzet daxil olan xəbərin əsaslılığını göstərmək üçün bilgiləri Bakı konsulluğuna göndərib.
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz