“Azadlıq” qəzeti 2005-ci ildə həbs edilən DİN-in Cinayət-Axtarış İdarəsinin keçmiş rəisi Zakir Nəsirovu bəzi qüvvələrin nazir Ramil Usubovun əleyhinə danışdırmaq istədiklərini yazaraq bunu “nazirə qarşı müdhiş plan” adlandırır.
Məhkəmə cərimələrilə bağlı bank hesablarına həbs qoyulan “Azadlıq” qəzetinin durumunu qəzet rəhbərliyi “kritik durum” adlandırır.
AXCP sədri Əli Kərimlinin qaynı Elnur Seyidovun həbsinin sifarişli olması haqda 11 beynəlxalq təşkilata müraciət ünvanlanıb.
Son günlər ölkənin rəsmi KİV-lərində Rusiya əleyhinə kampaniyanın davam etməsini qəzet rəsmi Bakının Rusiya ilə münasibətlərinin kəskin pisləşməsi kimi dəyərləndirir.
Moskvada bağlanması nəzərdə tutulan 17 bazarın siyahısını verən qəzet bu bazarlar bağlandığı halda minlərlə azərbaycanlının işsiz qalacağını yazır.
“Zerkalo” bir qrup vətəndaşın keçirdiyi etiraz aksiyasının polis tərəfindən zorakılıqla dağıdılmasını yazaraq “həmişəki kimi jurnalistlər də öz “payları”nı aldırlar” ironik mövqeyini ifadə edir.
“Ekspress” ekspertlərə istinadən Kremlin Azərbaycana təzyiqlərini Rusiyanın SSRİ-ni dirçəltmək yolunda Azərbaycanı “yola gətirmək” vasitəsi kimi dəyərləndirir.
“Exo”qəzeti ölkədə ətin dəyərinin 25%-ni qeyri-rəsmi ödənişlərin təşkil etdiyini yazaraq bu göstəriciyə görə Azərbaycanın MDB və Mərkəzi Avropa ölkələri üzrə liderlər arasında olduğunu bildirir.
“Novoe Vremya” qəzeti dövlət başçısı İlham Əliyevin YAP-ın 20 illik yubileyindəki çıxışında səsləndirdiyi fikriləri “əxz etmək vaxtıdır: alternativsizlik durğunluğa aparan yoldur” kimi dəyərləndirir.
“Bizim yol” Moskvada təsis edilən şərti “milyarderlər ittifaqı” adlı qurumun yaradılmasında iştirak edən Abbas Abbasovun Azərbaycanda milyonluq biznesinin əlindən alındığını iddia edir.
Politoloq Hikmər Hacızadə rəsmi Kremlin Rusiyanın cənub sərhədlərinə qoşun yığmasını “hədəfin Azərbaycan olması” hesab edir.
“Yeni Müsavat” yazır ki, Naxçıvan rəhbəri Vasif Talıbov muxtar respublikada ona qarşı üsyana çağıran vərəqələri yayanların Bakıdan idarə olunduqlarını söyləyib.
Qaraçuxur qəsəbəsində polislə bir qrup vətəndaş arasında düşən kütləvi davada 5 polis işçisi xəsarət alıb.
Qəzetin iddiasına görə, iqtidar komandasından cəmiyyətə 2013-cü il parlament seçkilərində Azərbaycanın ABŞ-da keçmiş səfiri Hafiz Paşayevin namizəd olacağı kimi informasiyalar ötürülür.
“Bakı Xəbər” problemli kreditlərin banklar üçün başağrısına çevrildiyini yazaraq buna görə bankların kredit şərtlərini ağırlaşdırdıqlarını bildirir.
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz