Rəsmi qəzetlər dövlət başçısı İlham Əliyevin İordaniyanın Azərbaycana təyin edilən səfirini qəbul etməsi haqda xəbəri, Qarabağ at cinsinin inkişafı üçün Kənd Təsərrüfatı Nazirliyinə 2 milyon manatın ayrılması, Bakı Beynəlxalq Multikulturalizm Mərkəzinin Himayəçilik Şurası üzvlərinin təyin edilməsi haqda sərəncamlarının mətnlərini ilk səhifələdə yerləşdiriblər.
“Azadlıq” qəzeti Rusiya Mərkəzi Bankının Azərbaycan Beynəlxalq Bankının Moskva filialına “çirkli pulların yuyulması və terrorçuluğun maliyyələşdirilməsinə qarşı mübarizə qanununu pozması” ilə bağlı ittihamlarını ilk səhifəyə çıxarıb.
Hüquq müdafiəçisi İntiqam Əliyev yuxusuzluqdan əziyyət çəkir, vəkilləri onun barəsində həbs qətimkan tədbirinin dəyişdirilməsinə dair vəsatət qaldıracaqlarını deyirlər.
AXCP təşkilati işlər yekunlaşmadığına görə noyabr ayına təyin edilən qurultayını təxirə salıb.
Bakı polisinin şefi Mirqafar Seyidov mülki geyimdə polis idarə və bölmələrində qəfil yoxlamalar keçirdiyi üçün onun fotoları növbətçi hissələrə təqdim edilib.
Qəzet Masallıda bələdiyyə seçkilərinə namizədlərin qeydə alınmasının rayon icra hakiminin rəyindən asılı olması kimi rəzalətin yaşandığını bildirir.
2015-ci il büdcəsini xərclənmə istiqamətləri üzrə təhlil edən ekspertlər büdcəni reallıqdan uzaq və riskli adlandırıblar.
Böyük Britaniyanın “Röyters” agentliyi dünya bazarında neftin qiymətinin aşağı düşməsilə Azərbaycan və digər ölkələrin investisiya cəlbediciliyini itirəcəyini bildirir.
“Ekspress” Ermənistana məxsus hərbi helikopteri vuran Azərbaycan əsgərinin onu necə vurması haqda açıqlamasını ön səhifəyə çəkib.
Ekspertlər neftin ucuzlaşması, ipoteka və Rusiyaya sanksiyalar amilinin Azərbaycanda daşınmaz əmlak bazarında qiymətlərə təsir etmədiyini bildirirlər.
Deputatlar ölkədə verilən ipoteka şərtlərinin ağırlığına “bu pulu ödəmək üçün ya oğurluqla, ya da narkotika ilə məşğul olmaq lazımdır” qənaətini ifadə ediblər.
“Exo” ekspertlərə istinadən Bakı parkomatlarında ayda yığılan pulların 1 miylon 800 min manata yaxın olduğunu diqqət mərkəzinə çəkir, amma bu pulların hara getməsi və s. kimi suallara cavabın olmadığını bildirir.
Bu il ölkədə dəm qazından 400 nəfərə yaxın insanın zəhərlənməsi faktı qeydə alınıb.
“Novoe Vremya” PA-nın şöbə müdiri Fuad Ələsgərovun QHT sahəsində “şəffaflıq” mübarizəsinin aparılması haqda açıqlamasına bunun dövlət qurumlarına da şamil olunması barədə mövqeyini bildirib.
“Bizim yol” Rusiyaya tətbiq edilən sanksiyalar səbəbindən 100 minlərlə azərbaycanlının geri dönməsi iddiasını önə çəkib.
“Sevil Massivi” MTK ev tikintisi ilə 3 mindən çox ailənin pulunu mənimsəyib. Rəsmi qurumlara çoxsaylı müraciətlərə baxmayaraq, müsbət nəticə hələ ki yoxdur.
Ekspertlər neftin ucuzlaşması ilə Neft Fondu vəsaitlərinin hər il 5 milyard dollar azalacağı, böyük xərcləmələrin isə Fondun ehtiyatlarını yaxın 5 ildə “əridəcəyi” barədə xəbərdarlıq edirlər.
“Yeni Müsavat” deputat Ceyhun Osmanlıya məxsus “Mado” restoranında erməni mahnısı ifa edildiyi üçün obyektin əlindən alındığını önə çəkib.
4 müxalif partiya (KXCP, ADP, ALDP və AXP) PA ictimai-siyasi şöbəsinin müdiri Əli Həsənova görüş üçün rəsmi müraciət edib. ADP sədri Sərdar Cəlaloğlu müraciəti “ölkədə siyasi inkişafın ölü nöqtəsindən tərpənməsi üçün başlanğıc” sayıb.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz