Mərkəzi Bank pulların yuyulması qanununu pozduğuna görə «ABB-Moskva»nı inzibati məsuliyyətə cəlb edib. Bu barədə Rusiya Mərkəzi Bankının saytında yerləşdirilmiş materialda bildirilir.
Məlumatda bildirilir ki, Azərbaycan Beynəlxalq Bankının Moskva filialı cinayətkar yollarla əldə edilmiş gəlirlərin leqallaşdırılması və terrorçuluğun maliyyələşdirilməsinə qarşı mübarizə haqda qanunun 15.27-ci maddəsinin 1-ci hissəsini pozmaqda günahlandırılır.
Bu qanun pozuntusuna görə banka rəsmi xəbərdarlıq edilib. Qərar noyabrın 7-də qüvvəyə minib.
ABB bildirir ki, "Rusiya Mərkəzi Bankının (RMB) apardığı mütəmadi monitorinq zamanı Azərbaycan Beynəlxalq Bankının (ABB) törəmə bankı olan "ABB-Moskva" istiqamətində bankın müştərisi ilə əməliyyatın aparılmasına dair hesabat informasiyasında vaxtın ötməsi aşkar edilib. Bu qanun pozuntusu bankın fəaliyyəti ərzində birinci hal olduğuna görə xarakteri baxımından bilərəkdən olmayıb və az əhəmiyyətlidir: Bundan başqa, qanun pozuntusunun törədilməsinə xidmət edən səbəb və şərtlər aradan qaldırıldığına görə banka xəbərdarlıq edilib.
Azərbaycan Beynəlxalq Bankının Moskva filialı 2001-ci ilin yanvarında yaradılıb. Onun nizamnamə kapitalı 2,11 milyard rubl təşkil edir. Bankın yeganə təsisçisi və sahibi Azərbaycan Beynəlxalq Bankıdır. --17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz