Mətbuat-Monitorinq 21.08.14

Rəsmi qəzetlər dövlət başçısı İlham Əliyevin Tovuz rayonun Tovuz-Hunanlar-Qaraxanlı-Düz Çırdaxan avtomobil yolunun tikintisi üçün 3 milyon manat vəsait ayırlamsı haqda sərəncamının mətnini ilk səhifələrə yerləşdiriblər.

“Azərbaycan” qəzeti Azərbaycanda insan haqlarının pis durumuna görə ölkəni tənqid edən ölkə və beyənlxalq qurumlara təhqir dolu “Demokratiyadan dərs keçən ölkələr başqasının gözündə tük axtarmaqdansa, öz gözlərindəki tükü görsələr yaxşıdır” sərlövhəli məqalə dərc edib. Eyni zamanda L.Yunusun müdafiə olunmasından qəzəblənən qəzet “Leyla Yunusu müdafiə  edənlər xalqın nifrətini qazanırlar” məqaləsi çap edib.

“Azadlıq” qəzeti  Səhiyyə nazirliyinə aid qururmun anbarından ümumi dəyəri 9 milyon manatdan artıq olan 195 kq ilan zəhərinin “yox”a çıxmasını önə verib.

Helsinki İnsan Halqarı Fondu “Atletiko Madrid futbol klubuna məktubunda  insan haqlarını ən kobud şəkildə pozduğu üçün Azərbaycanla əlaqələri kəsməyə çağırır. Belə ki, bu klubun futbolçuları futbol geyimlərində “Azərbaycan Odlar ölkəsi” şüarı ilə ölkəni təbliğ edirlər, Fond isə şüarın “Azərbaycan-demokratik dəyərləri və insan haqlarını yandıran ölkə” şəklində olmasını təklif edir.

Qəzetin yazdığına görə, yol problemilə bağlı Beyləqanın Dünyamalılar kəndinin 150-dən artıq sakini etiraza qalxıb, polis bəzi etirazçları saxlayıb.

Hüquq müdafiəçisi Leyla Yunusun həbsinin istintaqdan yayınması ilə bağlı olması haqda rəsmi Bakının mövqeyinə L.Yunusun müdafiə komitəsi “həbsin siyasi sifariş olması açıq-aydındır” bəyanatı səsləndirib.

Ekspertlər məktəbli fomalarının müvafiq olaraq 40 və 60 manata satılmasını baha hesab edərək qiymətlərin ən azı 50% endirilməsini vacib sayırlar.

“Ekspress” qəzeti səhiyyə nazirliyinin ebola virusundan şübhələnənlərin nazirliyin qaynar xəttinə zəng vurması təklifini “Ebola Azərbaycana çatır?”  şəklində təqdim edir.

Bakıda qaçqınların “Qanlı göl” ətrafında 22 ildən çox məkunlaşmasına göz yuman rəsmi Bakı son bir həftədə “qanunsuz məskunlaşma” adı ilə burada kütləvi söküntü işləri aparır.

Politoloqlara görə bu yaxınlarda Qarabağ cəbhəsinin qərində təxribat yaradanlar Purinin Ermənisatn ordusundakı agenturası olub.

“Exo” qəzeti erməni tərəfin İraqdakı yezidi kürdlərin Qarabağda yerləşdirilməsi çağırışlarına İraqın Azərbaycan səfirliyinin Qarabağa getməmək qarşılığı verdiyini önə çəkib.

“Novoe Vremya” qəzeti AŞPA-nın Azərbaycan üzrə həmməruzəçilərinin hazırladığı hesabatları obyektiv saymayan qəzet növbəti hesabata “həmməruzəçilərin növbəti hesabatı: obyektivlik gözləməyə dəyərmi?” sualı ünvanlayır.

“Bizim yol” qəzeti Bakıda növbəti “vəhhabi əməliyyatı” kçeirilməsi haqda xəbəri önə verərək əcnəbi  şirkətin Bakı ofsinə basqın edildiyi və saxlanınanlar olduğunu bildirir.

Neft istesalının azaldığını, ölkənin riskli dönəmə daxil olduğunu bildirən  ekspertlər xərclərin təcili azaldılmasını çıxış yolu kimi təklif edirlər. 

“Yeni Müsavat” qəzeti 2013-cü ilin mayında qəatlə yetirilən Vüsal Şilderin işində PA-nın əməkdaşı Tariyel Ağayevin iştirakı olması barədə məmurun qızının etirafı olmasını ilk səhifəyə çıxarıb.

Qəzet vəhabbilərə yaxınlığı ilə tanınan Dubayın “Dar-ül-Ber” təşkilatının Bakı ofisində əməliyyat keçirildiyini, təşkilat rəhbərinin saxlandığını, sənədlərin  müsadirə olunduğunu yazır.

Qəzet qeyd edir ki, “Sınıq körpü” buraxılış məntəqəsində “Nehrəmli” ləqəbli Kənan Məmmədov adlı şəxsin bu məntəqədə vətəndaşlarla kobud davranır, Qazax sakinlərini döydürür.