Rəsmi və iqtidaryönlü qəzetlər İlham Əliyevin dövlət başçısı postunda qalması ilə bağlı keçirdiyi inaqurasiya mərasimini “Vətənə, xalqa və dövlətə sədaqət andı” kimi dəyərləndirirlər, inaqurasiya mərasimindəki çıxışının mətnini dərc ediblər.
“Azadlıq” qəzeti yenidən dövlət başçısı postunda qalan İlham Əliyevin tələsik andiçmə mərasimini diqqət mərkəzində saxlayaraq, bunu “İlham Əliyevin komandasından narahatlığı” ilə əlaqələndirir.
Qəzet İ.Əliyevin tələsik andiçmə mərasimi keçirməsinə baxmayaraq, seçkilərin nəticələrinin ləğv olunması təhlükəsinin hələ də qalması xəbərdarlığı edir.
Bir qrup politoloq İ.Əliyevin tələsik inaqurasiyasını “seçki mövzusunu qapatmaq” cəhdi adlandırıblar. Politoloqlar “iqtidarın beynəlxalq rəyləri nəzərə almadan seçkinin nəticələrini təsdiqləməsinin dünya ilə qarşıdurmanı gücləndirəcəyini” bildiriblər.
Müxalifət düşərgəsi İ.Əliyevin tələsik andiçmə mərasimi keçirməsini “özünə və elan etdiyi qələbəyə inamsızlığın ifadəsi” kimi dəyərləndirib.
Dünya efir maqnatlarından “əl-Cəzirə” Qərb ölkələrinə İ.Əliyevə təzyiq olmasa, Azərbaycanda korrupsiya və insan haqları sahəsində pozuntuların dayanmayacağı rəyi bildirib.
Moskvada Orxan Zeynalovun məişət zəminində törətdiyi bir qətl ətrafında rəsmi Kremlin ajiotaj yaratmasını ekspertlər qəzetə “belə hadisələrin Kremlin göstərişilə həyata keçirilməsi” kimi şərh ediblər.
Həbsdə olan jurnalist Pərviz Həşimlidən AXCP sədri Əli Kərimlinin əleyhinə ifadə almaq cəhdini politoloqlar “hüquq-mühafizə orqanlarının siyasi alətə çevrilməsi” sayıblar.
Bakı metrosunun stansiyalartında qəzet satışına qoyulan qeyri-rəsmi qadağalara cavab olaraq, “Yeni Müsavat” və “Azadlıq” qəzetləri aksiyaya başlaya biləcəkləri xərədarlığı ediblər.
“Yeni Müsavat” qəzeti İlham Əliyevin tələsik andiçməsini “müəmmalı inaqurasiya” və “seçkinin nəticələrinin dünyanı üz-üzə qoyması” adlandırır.
Politoloqlar tələsik keçirilən inaqurasiyanı “iqtidarın çox ciddi beynəlxalq təzyiq qarşısında qalması” kimi şərh ediblər.
Gürcüstanın baş naziri B.İvanişvili Gürcüstanda yaşayan azərbaycanlıları prezident seçkilərində Saakaşviliyə yox, Georgi Marqelaşviliyə səs verməyə çağırıb.
Qusarda bir polis nəfərini qətlə yetirən, 3-nü isə yaralayan silahlı qrup üzvləri xüsusi əməliyyat nəticəsində məhv ediliblər və bütün ölkə boyunca vəhabilərin həbsi başlanıb.
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz