Rəsmi və hökumətyönlü qəzetlər dövlət başçısı İlham Əliyevin Türkiyənin milli təhsil, İspaniyanın müdafiə və Gürcüstanın daxili işlər nazilərini qəbul etməsi xəbərini ilk səhifəyə çıxarıblar.
“Azadlıq” qəzeti nazir Kəmaləddin Heydərovun adının qadağan olunmuş silah alverində hallanmasını ilk səhifəyə çıxarıb.
“Eurovision-2013” yarışmasında Azərbaycan tərəfin Rusiyaya verdiyi sms-lərin “itirilməsi” iddiasına yarışmanın yayım mahnı müsabiqəsi üzrə koordinatoru Carmo Siim “hər hansı məsələ olsaydı bizə siqnal çatardı” cavabını verib.
Azərbaycan XİN başçısı Elmar Məmmədyarovun Rusiya səfərinin müsbət dəyişikliklərə səbəb olacağı haqda rəsmi iddialara ölkə politoloqları əksinə “vəziyyətin bir qədər də gərginləşəcəyi” proqnozunu veriblər.
“Zerkalo” “Eurovision-2013” yarışmasında Azərbaycanın Rusiyaya verməli olduğu “10 balın itməsi” nəticəsində tərəflər arasında yaranan gərginliyə “Cəfəngiyyat: “Eurovision” Azərbaycan-Rusiya münasibətlərində problem kimi” şərhini verib.
“Ekspress” ölkədə 16-17 min məhbus olduğunu, amnistiyanın tətbiqindən sonra bu sayın 15 min nəfərə kimi azalacağını yazır.
Rəsmi Tehran bu il aprelin 30-da İranda həbsə aldığı və bu günlərdə azad etdiyi Azərbaycan ədəbiyyatşünası Xalidə Xalidin əvəzində Bakıda həbsdə olan Ərdəbil valiliyinin əməkdaşı Mikayil Kaziminin azadlığa buraxılmasını istəyir.
“Novoe Vremya” İran vətəndaşı Mikayıl Kaziminin Bakıda həbsə alınmasını “anlaşılmazlıq” adlandırır.
“Bizim yol” nazir Elmar Məmmədyarovun Rusiyaya səfəri zamanı “Qarabağla bağlı 6 bəndlik saziş imzalana bilər” bəyanatına “Moskvada Qafqazı silkələyən anlaşma” şərhini verir.
Binəqədidə palçıq vulkanı ərazisində qəsəbə salınmasını qəzet “bomba üstündə yaşayanlar” adlandırır.
“Yeni Müsavat” “Eurovision-2013” yarışmasında Azərbaycanın Rusiyaya verdiyi 10 xalın “it-bata” düşməsinin tərəflər arasında yaratdığı gərginliyi “10 ballıq zəlzələ” adlandırır.
Dövlət Neft Şirkətinin Sabunçudan Bibiheybətə, Binəqədidən Buzovnaya qədər neft torpaqlarında tikilən evlərin sökülməsilə bağlı məhkəməyə müraciət etdiyi, söküntülər nəticəsində “evsizlər ordusu”nun yaranacağı bildirilir.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz