Mətbuat-Monitorinq 23.04.13

Rəsmi və hökumətyönlü qəzetlər dövlət başçısı İlham Əliyevin Bakının Biləcəri qəsəbəsindəki parkın açılışında iştirakı haqda yazır. 

“Yeni Azərbaycan”  qəzeti əməkdaşlarının bir qrupunun dövlət mükafatları ilə təltif edilmələri haqda sərəncamların mətnləri dərc edilib. 

Mərhum dövlət başçısı Heydər Əliyevin 90 illiyilə bağlı geniş məqalələr yerləşdirilib. 

Bununla yanaşı fəal vətəndaş mövqeyi sərgiləyən müxalif baxışlı qurum və şəxslərin əleyhinə iftira, böhtan olan yazılar yazılıb.

“Azadlıq” qəzeti Azərbaycan XİN başçısı E. Məmmədyarovla İsrail prezidenti Ş.Peresin görüşündə Rusiya və İran əleyhinə bəyanatların verilməsini manjetə çıxararaq bunu “İsrailin Əliyevi çətin duruma salması” adlandırır.

AXCP İdarə Heyəti partiya sədri Əli Kərimliyə müxalifət qüvvələrinin birliyi yönündə çalışmalarla bağlı xüsusi səlahiyyət verib. 

Şəki rayon polisi AXCP sədrinin iştirakı ilə Şəkidə müşavirə keçiriləcəyilə bağlı təxribat yaratmaq üçün qaçqınları partiya qərargahı yaxınlığna toplayıb və qərarhagı qapadıb. 

AXCP sədri Əli Kərimli müxalifətin birliyi ilə bağlı son aylarda göstərilən səylərin hələlik nəticə vermədiyini bəyan edib.

“Ekspress” bu ilin ötən müddəti ərzində ordu sıralarında əsgər itkisinin sayının 29 nəfərə çatdığını yazır. 

Qəzet Neft Fondunun Asiya qitəsində daşınmaz əmlaka 1 milyard dollar investisiya yatıracağını yazır. ABŞ Dövlət Departamentinin insan azadlıqlarının durumuna dair hesabatında Azərbaycanın tənqid edilməsinə PA-nın şöbə müdiri Əli Həsənov “dövlət və milli maraqların beynəlxalq qurum və ya ölkələrin istəklərinə qurban verilməyəcəyi” bəyanatı ilə cavab verib.

“Exo” Azərbaycanın 4 milyon nəfər vətəndaşının qeydə alındığı ünvanda yaşamadığını nəzərə çatdırır. 

“Novoe Vremya” ABŞ Dövlət Departamentinin hesabatında Azərbaycanın bütün istiqamətlər üzr tənqidə məruz qoyulmasına “ haqlı tənqid” şərhini verib.

“Bizim yol”  təhsil naziri Misir Mərdanovun vəzifədən azad edildikdən sonra bir çoxlarının da azad ediləcəyini yazaraq buna “təhsil biznesi uğrunda mübarizənini gizlinləri” mövqeyini ifadə edir. 

Qəzet bu il büdcədən İpoteka Fonduna 40 milyon manat ayrılsa da bankların ipoteka krediti verməkdən imtina etdiyini nəzərə çatdırır.  

“Yeni Müsavat” “Anonimous” haker qrupunun Rabitə Nazirliyinin məlumat bankından ələ keçirdiyi ARDNŞ-nin offşor şirkətlə neft alveri haqqında sənədlərinin naməlum bloger tərəfindən yayılmasını ilk səhifəyə çıxarıb.

Müsavat Partiyası başqanı, prezidentliyə namizəd İsa Qəmbərin seçki qərargahı bu gün ilk iclasına toplanır. 

Müsavat Partiyasının təmsilçisi Arif Hacılı AXCP sədri Əli Kərimlinin seçkiləri boykot taktikasının uğurlu olmadığını bəyan edib. 

Narazı elektoratı öz ətrafında birləşdirmək istəyən Milli Şuranın mayın ilk günlərində elan olunacağı və Rüstəm İbrahimbəyovun qurumda birinci şəxs olacağı bildirilir. 

Qəzet problemlərin həllilə bağlı nazirlərin yerlərdə əhali ilə görüşlərini ekspertlərə istinadən “gözdən pərdə asmaq” adlandırır.