Rəsmi qəzetlər dövlət başçısı İlham Əliyevin rəsmi qəbulları, Stend Atıcılığı idman kompleksində tikinti işlərilə maraqlanması haqda xəbərləri ilk səhifələrə yerləşdiriblər.
“Azadlıq” qəzeti PA-nın rəhbəri Ramiz Mehdiyevin icra başçıları ilə keçirdiyi müşavirənin iqtidar daxilində ciddi müzakirə olunmasını “müşavirənin iqtidarda aranı qatması” kimi dəyərləndirərək ilk səhifəyə çıxarıb.
Həbsdə olan NİDAçı Rəşadət Axundovun atası Fikrət Axundov son əfvdən narazılıq edərək iqtidarı bütün NİDAçıları azad etməklə elədiyi səhvi düzəltməyə çağırıb.
Qəzet “Hyu-York Times” qəzetinin Azərbaycanı insan haqlarının olmadığı ölkə adlandırmasını həm də rəsmi Bakının siyasətini ifşa etməsi kimi dəyərləndirir.
Ekspertlər ölkədə siyasi məhbus məsələsinin həllilə bağlı işçi qrupun yaradılmasını rəsmi Bakının siyasi məhbus problemini etiraf etməsi adlandırır.
Qarabağ müharibəsi qazisi M.Məcidov müharibə veteranı kimi Sumqayıtda aldığı evin ondan xəbərsiz satılaraq Heydər Əliyevin doğum gününə xərcləndiyini iddia edir.
“Ekspress” Qazaxıstan sularında üç azərbaycanlı brakonyerin saxlanmasını önə çəkib.
Belarus, Qazaxıstan, Qırğızıstan və Ermənistanın yaratdığı “mini-SSRİ”nin saxlanmasının Kremlə 5,2 milyard dollara başa gələcəyini yazan qəzet bunu ironiya ilə “Moskvanın bahalı İttifaqı” adlandırır.
“Exo” son 10 ildə ölkədə dəri və dəri məmulatlarından hazırlanan malların 6,6 dəfə artdığını və 2013-cü ildə 17,173 milyon dollar təşkil etdiyini diqqətə çəkib
“Novoe Vremya” siyasi məhbus probleminin həllilə bağlı işçi qrupunun yaradılmasını “iqtidarın insan haqları problermini həll etməyə girişməsi” sayaraq ilk plana çıxarır.
“Bizim yol” Əmək və Əhalinin Sosial Məşğulluğu Nazirlyinin ölkədə daha pensiyaların artırılmayacağı bəyanatını ilk səhifədə yerləşdirib.
“Yeni Müsavat” qəzeti siyasi məhbus məsələsinin həllilə bağlı işçi qrupunun yaradılmasını ilk səhifəyə çəkərək fakta “hakimiyyət böyük əfvə hazırlaşır?” yanaşması ifadə edir.
Avropa İttifaqının Azərbaycandakı səfiri Malena Mard Azərbaycanın vətəndaş cəmiyyətilə işi davam etdirmək niyyətində olduqlarını bəyan edib.
Qəzet vəhabilərin toplaşdığı Qaraçuxur məscidindən Suriyaya döyüşə gedənlərin olduğunu bildirir.
Bakıda mənzil tikintisi adı ilə əhalini aldadan daha bir şirkətin - “Hayan” adlı şirkətin aldatdığı müştərilər PA önündə etiraz aksiyası keçiriblər.
Cəmiyyət
-
Son zamanlar Azərbaycanda plastik əməliyyatları həyata keçirən bəzi həkimlərin buna səlahiyyətlərinin olmaması ilə bağlı məsələlər geniş müzakirə olunur. Ayrı-ayrı məlumatlara görə, bu sahədə bir sıra həkimlərin heç müvafiq diplomu belə yoxdur. Həmin məlumatlarda iddia edilir ki, saxta həkim diplomları ilə fəaliyyət göstərən bəzi şəxslər müxtəlif klinikalarda çalışır.
-
Elon Mask, texnologiya milyarderi və X (əvvəlki adıyla Twitter) platformasının sahibi, dövlət rəsmilərinin mental hazırlığı ilə bağlı debatları yenidən gündəmə gətirərək vəzifə sahibləri üçün zəka testlərinin keçirilməsini təklif edib. Musk-ın bu təklifi, 81 yaşlı ABŞ konqresmeni Key Qrencerin küçədə azaraq sonradan demensiya xəstələri üçün nəzərdə tutulmuş qocalar evinə yerləşdirilməsindən sonra irəli sürülüb.
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
Rəy yaz