AŞ baş katibi siyasi məhbusların azad edilməsi ilə bağlı əhəmiyyətli nəticə gözləyir
Avropa Şurasının baş katibi Turbörn Yaqland Azərbaycanda hökumət və vətəndaş cəmiyyəti fəallarının iştirakı ilə siyasi məhbuslar üzrə işçi qrupunun yaradılmasını və sonuncu əfv fərmanını müsbət qiymətləndirib. Eyni zamanda o, bir çox siyasi məhbusun, o cümlədən REAL hərəkatının lideri İlqar Məmmədovun azad edilməsinə çağırıb.
Yaqlandın çərşənbə günü axşam yayılan bəyanatında deyilir ki, AŞ baş katibi və Azərbaycan prezident arasındakı 22 oktyabr razılaşmasına əsasən 2008-ci ildən bu yana ilk dəfə “insan hüquqları üzrə işçi qrupunun birgə iclası keçirilib. Qrup 18 hüquq müdafiəçisi, parlament üzvləri və Prezident Administrasiyasının vəzifəli şəxslərindən ibarətdir”.
AŞ nümayəndələrinin də iştirak etdiyi birgə iclasda məqsəd Azərbaycan hakimiyyəti və vətəndaş cəmiyyəti arasında dialoqun bərpasıdır.
Baş katib bu iclası ölkədə insan haqları ilə bağlı indiki durumun yaxşılaşdırılması yolunda addım kimi qiymətləndirib.
“Ötən həftə Azərbaycan prezidentinin fərmanı ilə əfv edilən 80 məhkumun arasında dörd fəalın olması ilk müsbət addımdır.
Mən səmimi olaraq ümid edirəm ki, bugünkü iclas nəzərəçarpacaq nəticələrə və böyük sayda fəalın azadlığa buraxılmasına səbəb olacaq.
Mən səbirsizliklə İlqar Məmmədovun azadlığa buraxılmasını gözləyirəm. Ötən həftə Avropa İnsan Hüquqları Məhkəməsi onun işi üzrə yekun qərar çıxarıb”, - Yaqland vurğulayıb.—06D--
Siyasət
-
Azərbaycan Respublikasının Prezidenti İlham Əliyev Gürcüstanda keçirilmiş parlament seçkilərinin nəticələri və ölkənin aparıcı siyasi qüvvəsi olan “Gürcü Arzusu - Demokratik Gürcüstan” partiyasının qələbəsi münasibətilə Baş nazir İrakli Kobaxidzeni təbrik edib.
-
Oktyabrın 26-da Azərbaycanın ekologiya və təbii sərvətlər naziri, COP 29-un prezidenti Muxtar Babayev ABŞ prezidentinin beynəlxalq iqlim siyasəti üzrə baş məsləhətçisi Con Podesta ilə görüşüb. Bu barədə X sosial platformasında COP-un səhifəsində deyilir.
-
İran İsrailə vasitəçi vasitəsilə məlumat verib ki, oktyabrın 26-na keçən gecə İsrail qüvvələri tərəfindən həyata keçirilən hava hücumuna cavab addımları atmadan çəkiləcək. Bu barədə Sky News Arabia platforma X-dəki bloqunda anonim mənbəyə istinadən məlumat yayıb.
-
Səmada 100 təyyarə: İsrail üç saat ərzində İrana zərbələr endirib Əməliyyat zamanı ən azı 20 hədəfə hücum olub, lakin nüvə və neft obyektlərinə zərbə endirilməyib.
Rəy yaz