Rəsmi qəzetlər dövlət başçısı İlham Əliyevin Davos səfəri və bu səfər çərçivəsində görüşləri, açıqlamaları haqda yazırlar. Bundan əlavə, bu qəzetlərdə Ziyalılar Forumu, İctimai Palata rəhbərliyinin, hüquq müdafiəçisi Leyla Yunusun ünvanına yalan, iftira, böhtan dolu məqalələr dərc olunub.
“Azadlıq” qəzeti İsmayıllı rayonunda əxlaqsızlıq yuvası kimi tanınan “Çıraq” moteli və önündəki 4 avtomobilin yandırılmasını “əhalinin üsyana qalxması” adlandırır, motelin nazirlərdən birinə, yanan “Hummer”in isə nazir oğluna aid olduğunu yazır.
AŞPA-nın Azərbaycanda siyasi məhbus məsələsi üzrə məruzəçisi K.Ştrasser sessiyada hesabatının qəbul olunmamasını “Azərbaycanda siyasi məhbus məsələsinin “qara günü”” kimi dəyərləndirib.
Fəal vətəndaş mövqeyi ilə iqtidarın hədəfinə gələn tanınmış ziyalı və ictimai xadim Rüstəm İbrahimbəyovun sədri olduğu Kinematoqrafçılar İttifaqı Hökumət Evindən çıxarılıb.
“Zerkalo” Xəzər dənizinin hüquqi statusu ilə bağlı danışıqların uzun müddət davam etməsinə baxmayaraq, həllini tapmamasına “sıfır nöqtəsində” mövqeyini ifadə edir.
“Ekspress” yazır ki, RF xarici işlər naziri Sergey Lavrov Rusiyanın Qəbələ RLS mövzusunu birdəfəlik qapatmasının icarə qiyməti məsələsində Azərbaycanın güzəştə getmək istəməməsilə bağlı olduğunu açıqlayıb.
Orduda əsgər ölümləri ilə bağlı keçirilən konfransda bu ölümləri araşdıran müstəqil komissiyanın yaradılması təklif olunub.
“Exo” 2012-ci ildə Azərbaycan vətəndaşlarının avtomobil alınmasına 650 milyon dollar xərclədiklərini, maşın bazarlarında Rusiya avtomobillərinin satışının 50% azaldığını yazır.
“Novoe Vremya” Korrupsiyaya Qarşı Mübarizə İdarəsinin korrupsiyaya qarşı mübarizəsi haqda açıqlamalarını əsassız sayaraq bu şübhəni “Baş Prokurorluq kimə qarşı və necə mübarizə aparır?” sualı ilə gündəmə gətirir.
“Bizim yol” İsmayıllıda əhalinin icra başçısının malikanəsini və maşınlarını yandırmasını “əhalinin üsyana qalxması” kimi dəyərləndirir.
Vəkil Fuad Ağayev rəsmi Bakının fəal vətəndaş mövqeyi sərgilədiyinə görə tanınmış ziyalı və ictimai xadim Rüstəm İbrahimbəyova 1 milyon manatdan çox ziyan vurduğunu açqılayıb.
“Yeni Müsavat” İsmayıllıda əhalinin nazir oğlunu döyməsini, maşın və motelini yandırmasını, icra başçısının evinə girməsini “xalqın üsyana qalxması” kimi şərh edir.
Müsavat Partiyasının başqanı İsa Qəmbərin yanvarın 27-də Lənkərana gözlənilən növbəti səfəri ərəfəsində bir qrup şəxsin “rayon ziyalıları” adından etiraz bəyanatı yaymasını qəzet “Lənkəranda növbəti təxribatın gözlənilməsi” kimi dəyərləndirir.
Qəzet son 20 gündə ölkədə baş verən hadisələri “ərəb baharı”nın Azərbaycana çatması” adlandırır.
Yanvarın 19-da “Binə” Ticarət Mərkəzində baş vermiş etiraz aksiyasından sonra obyektin sahibi Kəbirə Məmmədovanın icarədarları hədələməsinə toxunan qəzet “Binə”nin bu gün yenə qarışa biləcəyi” barədə xəbərdarlıq edir.
Səyyar qəzet satıcısı Sabir Abdullayevin qəzetləri əlindən alınıb və özü təhqir edilib.
Cəmiyyət
-
Bu gün, yanvarın 6-da Azərbaycanda 23 gün sonra keçiriləcək bələdiyyə seçkiləri ilə əlaqədar seçkiqabağı təşviqata start verilir. İndiyə kimi 16 min 174 nəfərin namizədliyi qeydə alınıb. Bu barədə Mərkəzi Seçki Komissiyasının (MSK) sədri Məzahir Pənahov yanvarın 6-da seçkilərlə bağlı iclasda bildirib. Onlardan 8 min 429 nəfəri 23 siyasi partiyanı təmsil edir.
-
Dövlət Sərhəd Xidmətinin məlumatına görə, əməliyyat-axtarış tədbirləri zamanı Azərbaycana 700 qram tiryək, 13 mindən çox Preqabalin- 150 həbinin və 600 ədəd Metadon-40 həbinin keçirilməsi cəhdinin qarşısı alınıb. Bunun harada və nə vaxt baş verdiyi açıqlanmır.
-
Yanvarın 7-də paytaxtda gün ərzində yağıntı gözlənilmir. Axşam saatlarında bəzi yerlərdə yağış yağacağı gözlənilir. Şimal-şərq küləyi cənub-şərq küləyinə keçəcək.
-
Hazırda Çin, Qazaxıstan və Rusiyada metapnevmovirus - kəskin respirator virus infeksiyaları üzrə qeyri-stabil epidemioloji vəziyyət müşahidə olunur. Onun sinmptomlrı öskürək, burun tutulması, burun axması, hərarətin yüksəlməsi, nəfəs darlığı, səsin boğulmasıdır.
Rəy yaz