Rəsmi və iqtidaryönlü qəzetlər yenidən dövlət başçısı postunda qalan İlham Əliyevin rəsmi qəbulları, bəzi fərmanlara edilən dəyişikliklərin mətnlərini dərc ediblər.
“Azadlıq” qəzeti Avropa Parlamentinin (AP) Azərbaycanda prezident seçkilərinin nəticələrinə aid “9 oktyabr prezident seçkilərinin beynəlxalq standartlara cavab verməməsi bəyanatını ilk səhifəyə çıxararaq bunu AP-nin seçkinin nəticələrini tanımaması adlandırır. Avropa Parlamentinin üzvü Qrehem Uotson Azərbaycanda prezident seçkilərinə müsbət qiymət verilməsini “gülməli və qeyri-ciddi iş” adlandırıb.
İ.Əliyevin hökumətdə bəzi nazirləri dəyişməsinə vətəndaş cəmiyyəti institutlarının təmsilçiləri “nazirlər yox, sistem dəyişməlidir” şərhini veriblər.
“Azadlıq” qəzeti oktyabrın 24-ü saat 15:00-a kimi nəşriyyata olan borcundan 3 min manat ödəməzsə qəzetin nəşrinin dayanması reallaşacaq.
“Ekspress” Rusiya vətəndaşı Yeqor Şerbakovun “hay-küyə” səbəb olan qətlində təqsirləndirilən Orxan Zeynalov Azərbaycan diplomatları ilə görüşündə təzyiqə, ləyaqətinin alçaldılmasına məruz qaldığını bəyan edib. O. Zeynalovun Rusiya vətəndaşı Y.Şerbakovu qətlə yetirməsi iddiası ilə azərbaycanlılara qarşı başlanan təzyiqlərə mərhumun qardaşı Anton Şerbakov “bir cinayətkara görə bütün milləti qaralamaq düzgün deyil” bəyanatını səsləndirib. Rusiyanın daxili işlər naziri V.Kolokoitsev O.Zeynalovun qətlə yetirdiyi iddia edilən Y.Şerbakovun ölümündən “bəzi qüvvələr”in millətlərarası ədavəti qızışdırmaq üçün istifadə etmək istəməsini bəyan edib.
“Exo” Rusiya KİV-ni Yeqor Şebakovu qətlə yetirməkdə təqsirli bilinərək həbsə alınan “Orxan Zeynalovun işini” “informasiya təxribatı”na çevirməkdə ittiham edir.
“Novoe Vremya” İlham Əliyevin təyinatları ilə rəhbər vəzifələrə gələn iqtidar komandasının islahatlar aparcağına şübhə ilə yanaşmasını “İslahat? Heç də elə deyil! İiqtidar yenidən öz qayğısına qalacaq, əzizim” mövqeyilə izah edir.
“Bizim yol” yazır ki, “Azadlıq” qəzetinin maddi durumunun ağır olaraq qaldığını bildirən redaktor Rahim Hacıyev ölkədəki diplomatik korpusa müraciət edib.
Dövlət başçısı İlham Əliyevin sərəncamları ilə iki nazirliyin ləğv olunaraq yenidən iki nazirlik yaradılmasını ekspetlər islahat yox, islahat görüntüsü yaratmaq adlandırıblar.
“Yeni Müsavat” “Xəzərdənizgəmiçilik” birliyində yük gəmisi kapitanıın həbsə alınmasını birliyin rəisi vəzifəsindən azad edilən Aydın Bəşirovun həbsinə hazırlıq kimi dəyərləndirib.
Rayon icra başçılarının PA-ya çağırıldığını yazan qəzet seçkilərin bu şəxslərdən bəzilərini bitirdiyini, cəzalandırılacaq şəxslərin siyahısının hazır olduğunu iddia edərək “icra başçıları üçün “qiyamət günü” yaxınlaşır” qənaətini ortaya qoyur.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz