Dağıstandakı tətil Bakı-Novorossisyk kəmərinin işini dayandırıb

Mahaçqala limanında neftin qəbulu və onun Novorossisyk istiqamətində nəqli 23 oktyabrda bərpa olunub, deyə “İnterfaks” “Transneft” rəsmisi İqor Dyominə istinadən bildirir.

Dünən səhər saat 9:33-də "Daqneftprodukt”un Mahaçqala limanında neft qəbulu və “Transneft”ə təhvili ərpa edilib.  

İnformasiyaya görə, sutkada orta itki 15 min ton olub. "Həftə sonuna bu həcmi bərpa edəcəyik. Hələlik kimin ziyana düşdüyünü deəmək çətindir, itkiləri kompensasiya etmək üçün hələ vaxt var", deyə o, əlavə edib.

İqor Dyomin xatırladıb ki, 22 oktyabr saat 8:15-də neft qəbulu dayanıb. Belə ki, "Daqneftprodukt”un əməkdaşlarının saxlanmasın etiraz əlaməti olaraq bir neçə operator işi dayandırıb. 

Dağıstan FTX-də bildiriblər ki, neft və neft məhsulları qaçaqmalçılığı faktı üzrə cinayət işi qaldırılıb və "Daqneftprodukt”un 6 əməkdaşı saxlanılıb. İstintaq hərəkətlərindən sonra onlar azad edilib. 

"Daqneftprodukt”un işinin dayanması nəticəsində “Transneft” Mahaçqaladan nefti nəql edə bilməyib.

Bakı-Novorossisyk kəmərinin gücü 7,5-8 mln tondur. “Transneft” əvvəllər bildirib ki, 2013-cü ildə kəmərlə 4,2 mln ton neft nəqli planlaşdırılır. Bunun 1,1 mln tonu Korçagin yatağından rus nefti, 3,12 мmln ton tranzit neftidir, - deyə “Нефть России” bildirir. –0--