Rəsmi və hökumətyönlü qəzetlər dövlət başçısı İlham Əliyevin vətəndaşlara Xidmət və Sosial İnnovasiyalar üzrə Dövlət Agentliyinin 2 saylı Bakı “ASAN xidmət” mərkəzinin açılışında iştirakını ilk plana çıxarıblar.
Bundan əlavə, “Yeni Azərabycan” qəzeti aparıcı müxalifət qüvvələrinə ənənəvi təhqir, böhtan, iftira kampaniyasını davam etdirir. Bəzi deputatlar isə müxalifətin aparıcı liderlərinin ABŞ-ın Azərbaycan səfriliə “qapılar arxasında” keçirilən görüşünə etirazlarını ifadə edirlər.
“Azadlıq” qəzeti PA şöbə müdiri Əli Həsənovun dünənki bəyanatlarına istinadən rəsmi Bakının bundan sonra da hakimiyyəti öz əlində saxlamaq üçün dünya ilə savaş durumunda olmasını ilk səhifəyə çıxarıb.
Xalq Cəbhəsi Partiyası təşkilat üzvlərinin Lerikdə hücuma məruz qalmasına görə məsuliyyətin dövlət başçısı İlham Əliyevin üzərinə düşdüyünü bəyan edib.
PA rəhbəri Ramiz Mehdiyev rayon icra başçıları ilə toplantı keçirib, prezident seçkilərinə hazırlıq əsas müzakirə hədəfi olub.
Ekspertlər Milli Şura formatında Azərbaycan xalqının özünün bir subyekt olaraq meydana çıxmağa və etirazını bildirməyə başladığını bəyan edirlər.
“Azərbaycan” qəzetinin redaktoru, deputat Bəxtiyar Sadıqov “reket jurnalistika”nın arxasında məmurların durduğunu, ona görə də onlara tam qalib gəlməyin mümkün olmadığını bildirib.
“Zerkalo” yazır ki, REAL Hərəkatının icraçı katibi Natiq Cəfərli paytaxtda binaların ünvanlarının dəyişdirilməsini rəsmi Bakının seçkilər zamanı “karusel” əməliyyatına hazırlıq kimi dəyərləndirib.
“Ekspress” PA şöbə müdiri Əli Həsənovun “hakimiyyəti təhvil verməyə hazırlaşmırıq” bəyanatını ön səhifətə çıxarıb.
“Exo” Azərbaycan vətəndaşlarına hər il heç yerdə qeydə alınmayan “zərflərdə” 1 milyard manat maaşın verildiyini nəzərə çatdırır.
“Novoe Vremya” yazır ki, vətəndaşların hüquqlarını pozduğuna görə 1300 nəfərdən çox polis işçisi cəzalandırılıb.
“Bizim yol” qəzetinə şərhində Ümid Partiyasının sədri, deputat İqbal Ağazadə Azərbaycan iqtidarı daxilində Rusiya kadrlarının olduqca güclü xətt olması iddiasını irəli sürüb.
“Yeni Müsavat” şərti “milyarderlər ittifaqı”nın rəhbəri Abbas Abbasovun RF-nin Samara və Volqaboyu vilayətlərindəki Azərbaycan icmalarını təşkilatına toplamasını manjetə çıxarıb.
NATO əməkdaşlıq institutunun rəhbəri Fərrux Məmmədov bu quruma inteqrasiyanı seçki azadlığını, Qərb və NATO standartlarını Azərbaycana gətirmək kimi şərh edib.
Cəmiyyət
-
Azərbaycan rütubətli və soyuq hava şəraitinə hazırlaşır, Bakıda və Abşeron yarımadasında yağış və qar yağacağı proqnozlaşdırılır. Milli Hidrometeorologiya Xidməti güclü şimal-qərb küləyinin gün ərzində tədricən zəifləyəcəyini bildirir.
-
Azərbaycan Xarici İşlər Nazirliyi (XİN) Rusiya İnformasiya və Mədəniyyət Mərkəzinin (Rus Evi) Bakıda qeydiyyata alınması tələbi ilə həmin ölkənin XİN-inə nota göndərib.
-
Antisemitizm yəhudi tarixinin əsas hissəsi olub və bütün Avropada qaçqın dalğalarına səbəb olub. Orta əsrlərdə minlərlə yəhudi Fransa, İspaniya, Portuqaliya və Avropanın digər ölkələrində repressiya və qırğınlardan canlarını qurtararaq Osmanlı İmperiyasında sığınacaq tapıblar.
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
Rəy yaz