İstanbulda hüquq müdafiəçilərinin forumu keçirilib

Mayın 23-24-də İstanbulda 38-ci İnsan Hüquqları naminə Beynəlxalq Federasiya Konqresi (FİDH) çərçivəsində “Siyasi keçid prosesləri və insan hüquqları: təcrübə və çağırışlar” mövzusunda beynəlxalq forum keçirilib. 

Tədbirdə FİDH-ə üzv 164 təşkilatdan hüquq müdafiəçiləri iştirak ediblər. Bu barədə Azərbaycan Hüquq Müdafiə Mərkəzi məlumat yayıb.

FİDH konqresləri hər 3 ildən bir yeni yerdə keçirilir. Bu dəfə Türkiyə seçilib. Belə ki, uzun illər kürdlər davam edən qanlı münaqişələrdən sonra  dinc danışıqlar başlayıb və ölkə Yaxın Şərq və Şimali Afrikaya nümunə olaraq mühüm dövrə qədim qoyub.

Siyasi məhbuslarla və dinc proseslə həmrəylik ifadəsi olaraq Forum iştirakçıları nümayiş təşkil ediblər. 

Forumda Türkiyə prezidenti Abdulla Gül iştirak edib. O, siyasi məhbuslar kimi ağrılı mövzuya toxunan FİDH prezidenti Suer Belhassenin tənqidini dinləyib. O cavab olaraq iştirakçılara müraciət edib və insan hüquqları sahəsində bir sıra problemlərin olduğunu inkar etməyib. Prezident islam və Avropa dəyərlərinin əlaqələndirilməsinin vacibliyini vurğulayıb, Suriya və Fələstində qan tökülməsinə etirazını bildirib. 

Forumda Azərbaycanda Azərbaycan Hüquq Müdafiə Mərkəzinin direktoru Eldar Zeynalov, jurnalistlər və hüquq müdafiəçiləri Məlahət və İlqar Nəsibovlar iştirak ediblər. 

Mayın 25-27-də Konqres daha məhdud tərkibdə davam edəcək. Tədbir zamanı Federasiya rəhbərliyinin hesabatları, tematik qətnamələr müzakirə olunacaq, FİDH rəhbər orqanlarının seçkisi keçiriləcək.-02D-