Rəsmi qəzetlər dövlət başçısı İlham Əliyevin Azərbaycan Silahlı Qüvvələrinin erməni hərbi birliklərilə təmas xəttində bəzi təhlükəsizlik tədbiləri barəsində sərəncamının mətnini ilk səhifələrdə yerləşdiriblər.
Qəzet Qəbələ rayonunun sosial qitsadi inkişafı üçün 2 milyon manatın ayrılması haqda sərəncamın mətnini də dərc ediblər.
“Azadlıq” qəzeti Azərbaycanda QHT-lərə total basqınlara ABŞ prezidenti Barak Obamanın “Azərbaycan kimi yerlərdə QHT-lərin fəaliyyətinin inanılmaz dərəcədə çətinləşdirilməsi” bəyanatını ilk səhifədə yerləşdirib. Rəsmi Bakı təmsilçilərinin B.Obamanı bu bəyanata görə tənqid etməsini qəzet “iqtidarın Obamaya hücuma keçməsi”, müxalif siyasi qüvvələr isə bəyanatı Azərbaycana qarşı “sanksiyaların anonsu” adlandırırlar.
Avropa Stabillik Təşəbbüsü təşkilatı həbsdə olan hüquq müdafiəçisi Leyla Yunusun Saxarov mükafatına namizədliyini dəstəkləməyə çağırıb.
L.Yunusun təcridxanada fiziki zorakılığa məruz qalmasını isə AXCP hakimiyyətin cinayətə yol verməsi adlandırıb.
ATƏT/DTİHB-nin Polşadakı tədbirində Azərbaycandakı siyasi fəalları müdafiə aksiyasını “Yeni Müsavat” qəzetinin ermənilərin aksiyası kimi təqdim etməsi yalanına Xədicə İsmayıl “bu, sadəcə alçaqlıqdır” cavabını verib.
AŞPA prezidenti Ann Brasser müxalifət adı ilə Azərbaycan parlamentində təmsil olunan partiya təmsilçiləri ilə görüşdən sonra “parlamentdə müxalifət olmadıqca ölkədə demokratiya olmayacaq” bəyanatını verib.
“Ekspress” dövlət başçısı İlham Əliyevin sərəncamı ilə bağlı “Hərbi vəziyyət haqqında” qanunun dəyişdirilməsini hərbi sirrə “nəzarət”i gücləndirmək sayaraq ilk plana çıxarıb.
Qəzet Qafqazdan keçən neft-qaz boru kəmərlərinin müdafiəsi üçün Azərbaycan, Türkiyə və Gürcüstan həbrbçilərindən ibarət birqadanın yaradılacağını bildirir.
Siyasi partiyaların “Demokratiya və İnsan Haqları Mərkəzi”nin proporsional seçki sisteminin bərpası ilə bağlı ümumxalq referendumu təşəbbüsünü bəzi hökumətyönlü partiyalar bəyənsələr də hakim YAP bunu “müxalifətin fərdlərarası mübarizəni partiyalararası mübarizəyə keçirmək cəhdi” sayır.
“Novoe Vremya” “heç nəyi dəyişə bilməyəcək səfər” mövqeyilə AŞPA prezidenti Ann Brasserin Bakı səfərinin mənasız olması qənaətini ilk səhifəyə yerləşdirib.
“Bizim yol” . Sovet dövünün dissidenti, QAT Ağsaqqallar Şurasının üzvü Binəqədi rayon sakini Nadir Ağayevin sentyabrın 24-də yaşadığı binanın blokunda naməlum şəxslərin hücumuna məruz qalaraq başından vurulub, başına 9 tikiş qoyulub.
“Yeni Müsavat” həbsdə olan hüquq müdafiəçisi Leyla Yunusun təcridxanada mayor Yaqubov adlı şəxs tərəfindən fiziki zorakılığa məruz qalması hadisəsini önə çəkib.
Vətəndaş cəmiyyəti institularının təmsilçiləri ABŞ prezidenti B.Obamanın Azərbaycanı tənqidini “sarı kart, ardınca qırmızı kartın gələ bilməsi”, “sanksiyaların tətbiq oluna bilməsi” kimi şərh ediblər.
Qəzet nəqliyyat naziri Ziya Məmmədovu ona məxsus avtobusların gəlirlərinin azalacağı ilə bağlı metronun “Avtovağzal” stansiyasının açılmasına ciddi maneçilik törətməkdə ittiham edir.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz