Sumqayıt Texnologiyalar Parkı (STP) tikinti armaturunun sınaq istehsalına başlayıb. Kütləvi istehsal bir ay ərzində başlayacaq, deyə STP-dəki mənbə Turan-a bildirib.
Polad əridilməsi və armatur prokatı müəssisənin özündə həyata keçirilir. Xammal əsasən Sumqayıt ərzisində tədarük edilir: sovet dövründən qalma bir sıra zavodlar metal tullantısı olub.
STP-də qeyd ediblər ki, armatur Sumqayıt Texnologiyalar Parkının mülkiyyətçisi “AZENCO”nun ehtiyacı üçün istifadə ediləcək. «Əvvəllər tikinti armaturu Gürcüstandan və “Baku Steel Company”dən alınırdı. Öz istehsalımızı yaratmaq qərarına gəldik», deyə STP-də bildiriblər.
: Sumqayıt Texnologiyalar Parkında polad emalı zavodu var. İdxal polad lövhələrin əsasında hazır metal konstruksiyalar üçün metal prokatı həyata keçirilir.
STP-də elektrik kabeli, texniki qaz, alüminium və mis profil, günəş kollektoru, sendviç panel, elektron cihazlar, polad və plastik boru, elektrik avadanlığı, ağır maşınqayırma və s üzrə 13 zavod var. Onların sayını 30-a çatdırmaq planlaşdırılır. Müəssisə 250 ha ərazi tutur. STP-də 4 min nəfər çalışır.
Bu ilin 8 ayında Azərbaycanda 137,2 min ton tikinti armaturu istehsal edilib. Bu, ötən ilin eyni dövründəkindən 18,6% azdır. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz