Mətbuat-Monitorinq 25.11.15
Rəsmi qəzetlər V çağırıs Milli Məclisin ilk iclası, dövlət başçısı İlham Əliyevin iştirakı və çıxış etməsi haqda xəbərləri ilk səhifələrdə yerləşdiriblər.
“Azərbaycan” qəzetinin redaktoru Bəxtiyar Sadıqovun ölkə mətbuatına ünvanladığı “Mətbuatın yalan informasiya və sensasiya aludəçiliyi” məqaləsini dərc edib.
“Azadlıq” qəzeti Türkiyənin Rusiyaya məxsus bombardmançı təyyarəni vurması ilə bağlı Vaşinqton və NATO-nun bu məsələdə Türkiyəni dəstəkləməsini manjetə çıxarıb.
“Kreml uşağı” olan Ramzan Kadırov isə Türkiyəni “peşman olacağı” ilə hədələyib.
Bakıda səfərdə olan ABŞ dövlət katibinin köməkçisinin müavini xanım Bridcet Brink AXCP sədri Əli Kərmili və Milli Şuranın sədri Cəmil Həsənli ilə görüşüb. B.Brink ABŞ-ın Azərbaycana demokratiya sahəsində yardım göstərəcəyini bəyan edib.
AXCP sədri Əli Kərimli Türkiyənin Rusiyaya məxsus bombardmançı təyyarəni vurmasına “ciddi müharibə təhlükəsi yaranıb” şərhini verib.
MTN-in dövlət çevrilişində ittiham edərək həbsə aldığı şərti “Səidin dəstəsi” adlı qrupa aid məhkumların yaxınları bu həbsi “övladlarının Eldar Mahmudovun qurbanları” olması adlandırırlar.
Avropa məhkəməsinin Azərbaycanla bağlı qərarlarını ədliyyə naziri Fikrət Məmmədovun “qərəzli və məhkəmə sisteminə “kölgə salmaq” üçün verilməsi” saymasına ekspertlər “bu qərarların hakimiyyəti narahat etməsi” kimi şərh ediblər.
Qanunsuz tikintilərlə bağlı qanunvericilik tələblərinin sərtləşdirilməsinə cava olaraq ekspertlər rəsmi Bakıya icra başçılarını cəzalandırmağı təklif edib.
Ekspertlər mənzil bazrında qiymətlərin 26%-ə qədər endiyini, qarşıdakı 3 ayda isə daha 10% enəcəyini proqnozlaşdırırlar.
“Ekspress” Azərbaycanda yeni parlamentin işə başlaması, Türkiyə qırıcılarının rus bombardmançı təyyarəsini vurması haqda xəbərləri önə çəkib.
Rusiyanın Xəzərdən raket atışlarının dənizətrafı ölkələrə ciddi narahatlıq yaratmasına baxmayaraq, rəsmi Kreml “atışların davam edəcəyini” bəyan edib.
“Exo” ekspertlərə isnadən ölkədə sosial-iqtisadi durumun ağırlaşdığı indiki vaxtda söküntülərin aparılmasının əhali tərəfindən kütləvi etiraz aksiyaları ilə müşayiət ediləcəyi barədə xəbərdarlığ diqqət mərkəzinə çəkib.
“Novoe Vremya” Türkiyə qırıcılarının Rusiya bombardmançı təyyarəsini vurması fonunda “Rusiya-Türkiyə münaqişəsi mümkündürmü?” sualını ön plana çıxarır.
“Bizim yol” “Azərenerji”nin rəhbəri Etibar Pirverdiyev və komandasının “getməsi” haqda iddianı ilk səhifədə yerləşdirib.
“Yeni Müsavat” keçmiş təhlükəsizlik zabiti Tofiq Rəcəbova isnadən Azərbaycanda “inqilab” üçün nəzərdə tutulan 18 milyard pulla bağlı sənədlərin üzə çıxmasını ilk səhifəyə çəkib.
Qəzet Türkiyənin hava sərhəddini pozan Rusiya bombardmançı təyyarəsini vurması ilə PF prezidenti Putin “faciənin ciddi nəticələrinin olacağı” ilə hədələyib.
Müxalifətin ünlü isimlərindən Pənah Hüseyn qohumlarının həbs olunması səbəbi haqda “bu adamların günahı mənim qohumlarım olmalarıdır” bəyanatını səsləndirib.
Kredit borcuna görə Malik Hüseynovun intihar etməsi fonunda qəzet ekspertlərə isnadən belə intiharların hələ davam edəcəyini bildirirlər.
Ekspertlərə görə, neftin qiymətinin artmaması, valyuta ehtiyatlarının getdikcə azalması, ABŞ Federal Rezerv Sisteminin faiz dərəcəsini artıracağı ehtimalları manatın devalvasiyasını qaçılmaz edır.
Qəzet Türkiyədə “G-20” sammiti çərçivəsində prezidentlər İlham Əliyevlə Barak Obamanın görüşündən sonra Azərbaycanla ABŞ arasında “buzların əriməsi” qənaətini ortaya qoyur.
-
- Cəmiyyət
- 25 Noyabr 2015 11:13
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz