Rəsmi qəzetlər dövlət başçısı İlham Əliyevin “Yasamal parkı”nın açılışında iştirakını ilk səhifələrdə yerləşdiriblər.
“Azadlıq” qəzeti əhalinin banklardakı əmanətlərindən əldə olunan faizlərin gəlir vergisinə cəlb olunmasını “bankda əmanəti olanlara sarsıdıcı zərbə” sayaraq ilk səhifəyə çıxarıb.
Rusiya demokratik düşərgəsinin ünlü isimlərindən Boris Nemtsov 25 illik yubileyilə bağlı “Azadlıq” qəzetini təbrik edərək onu “öz missiyasını layiqincə yerinə yetirən qəzet” kimi qiymətləndirib.
Qəzeti təbrik edən ölkənin ictimai-siyasi təmsilçiləri isə bu mətbu oqranı “əxlaqın milli sərvəti” hesab ediblər.
AXCP sədri Əli Kərimli 14 saylı həbsxanada dustaq Elşad Babayevin işgəncə ilə öldürülməsini “ölkədəki cəzasızlıq mühitinin göstəricisi” kimi dəyərləndirib.
Bakının Xətai rayonunun Seyid Əzim Şirvani küçəsindəki 14 saylı evin 150 saylı mənzili üst-üstə 1 milyon yarımlıq tenderlərin “qalibi” olan şirkətlərin ofisi kimi göstərilir, ev sahibləri isə bundan xəbərsiz olduqlarını bildirirlər.
“Ekspress” ekspertlərə isnadən dünya bazarında neftin dəyəri hətta 60 dollar olsa belə ARDNŞ-nin yenə də ildə 400 milyon dollar itirəcəyini diqqət mərkəzinə çəkib.
“Novoe Vremya” dünya bazarında neftin qiymətinin enməsilə bağlı layihələrin icrası üçün ARDNŞ-nin kredit üçün Mərkəzi Banka müraciətini “SOCAR-ın “SOS siqnalı” göndərməsi kimi dəyərləndirir.
“Bizim yol” SOCAR-ın Neft Fondu və Mərkəzi Bankdan milyard dollarlarla kredit istəməsini “neftin ucuzlaşmasının neft sektoruna ağır zərbə vurması” kimi şərh edərək ön plana çıxarıb.
Dövlət Sərhəd Xidməti terrorçu qruplarda döyüşərək vətənə dönən 30 azərbaycanlını saxlamasını nəzərə çatdırır.
“Yeni Müsavat” 8 ay həbsdə olan vitse-admiral Şahin Sultanovun barəsində həbs qətiimkan tədbirinin dəyişdirilməsini Rusiyadakı qohumlarının əlaqələrinin nəticəsi kimi dəyərləndirərək önə çəkib.
Milli-azadlıq hərəkatının ünlü isimlərindən Etibar Məmmədov “istiqlalçı deputatlar”ın pensiya təminatı ilə təmin olunmamalarını “vaxtilə milli azadlığın əleyhinə olanların indi hakimiyyətdə meydan sulaması” ilə əlaqələndirib.
Ekspertlərə görə, Azərbaycanın Avropa və ABŞ kimi indi də İsraillə əlaqələrinin korlanmasının arxasında Rusiya dayanır və bunun ölkənin təklənməsinə səbəb olacağı barədə xəbərdarlıq edilir.
Yeni il bayramı ilə bağlı vağzallarda biletlərin “qeybə” çəkildiyini yazan qəzet əllərdə satılan biletlərdə 3 manata qədər artımın olduğunu nəzərə çatdırır.
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz