Müstəqil və müxalifət qəzetləri özünü Yevlax rayon Sosial Müdafiə Mərkəzinin önündə yandıran əlillə bağlı xəbəri ilk səhifəyə çıxarsalar da rəsmi qəzetlər buna toxunmayıblar. Bu qəzetlər ölkənin iqtisadi və beynəlxalq gücünün artması haqda yazılara geniş yer veriblər.
“Azadlıq” qəzeti əlilin sosial haqsızlığa cavab olaraq özünü Yevlax Sosial Müdafiə Mərkəzinin önündə yandırmasını ön plana çıxarıb.
MTN təcridxanasında saxlanılan jurnalist Pərviz Həşimliyə ailəsilə görüşməyə imkan verilmir.
Rəsmi Bakının Ukrayna hadisələrinin Azərbaycana təsiri olmayacağı haqda bəyanatını ekspertlər “narahatçılıqdan irəli gələn məsələ” kimi şərh ediblər.
Ekspertlər Azərbaycandan Suriyaya döyüşə gedən şəxslərin bir qisminin dini təbliğat, digər qisminin isə muzd nəticəsində getdiklərini bildirirlər.
Ekspertlərə görə, ölkənin xarici ticarət dövriyyəsinin həcmini müəyyən etməklə bağlı problem dövlət rüsumlarında yox, alınan rüşvətlərdədir.
“Zerkalo” keçən ilin sonunda sosial ədalətsizliyə etiraz olaraq özünü yandıraraq intihar edən Qarabağ qazisi Zaur Həsənovun ölümü ilə bağlı cinayət işinin qaldırılmamasına diqqət çəkir.
“Novoe Vremya” təcridxanaya narkotik maddə keçirməyə çalışan Penitensiar Xidmət əməkdaşının işdən qovulduğunu yazır.
“Bizim yol” sosial müavinət almasına olan maneələrə görə əlilin özünü yandırmasını ilk səhifəyə çıxarıb.
Ölkə əhalisinin daxili istehsal hesabına təmin olunmasına dair Dövlət Proqramı başa çatsa da hələ də taxıl 100%, süd 33%, ət 33% olaraq idxal hesabına ödənir.
“Yeni Müsavat” rəsmi Bakının “Azərbaycan Qarabağda hərbi əməliyyatların başlana bilməsini istisna etmir” bəyanatını “müharibə anonsu” adlandıraraq ilk səhifəyə çıxarıb.
Səyyar qəzet satışına qadağalara etiraz olaraq bir sıra qəzetlərin kollektivləri aksiyaya hazırlaşırlar. Bununla bağlı Bakı meriyasına müraciət edilib.
Keçmiş iş adamı Elşən Məmmədov evlərinin əlindən alınmasında təqsirli bildiyi “Avesta” şirkətinin ofisi önündə özünü yandıracağı bəyanatına şirkət rəhbəri Nehrəmli İbrahim “istəyir özünü damdan atsın” qarşılığını verib.
Qəzet Suriyadakı hadisələrə münasibətdə keçən ilin sonunda Sumqayıtdakı sələfilər arasında qarşıdurmanın nəticəsi olaraq cərəyan daxilində parçalanmanın sürətləndiyini nəzərə çatdırır.
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz