![Mətbuat-monitorinq 28.07.15](https://turan.az/resized/media/2015/main/072800124366-750-500-resize.webp)
Mətbuat-monitorinq 28.07.15
Rəsmi qəzetlər dövlət başçısı İlham Əliyevin Oğuz rayonunun Sincan-Xaçmaz-Filfili avtomobil yolunun tikintisilə bağlı 2,3 milyon manat ayrılması ilə bağlı sərəncamın və bəzi fərman və sərəncamlara dəyişikliklər haqqında fərmanın mətnini ilk səhifələrə yerləşdiriblər.
“Azadlıq” qəzeti ad çəkmədən bir general oğlunun avtomobili polisin üzərinə sürməsi və nazir Ramil Usubovun onun həbsi barədə göstəriş verməsini manjetə çıxarıb.
Qəzet “Meydan TV”nin rəhbəri Emin Millinin qaynı Nazim Ağabəyovun narkotik saxlamaq ittihamı ilə həbsə alındığını, Emin Millinin bu həbsin “onu və “Meydan TV”ni susdurmaq məqsədi daşıdığını” düşündüyünü yazıb.
Qəzet Rusiyanın ədliyyə generalı İlqar Qasımovun Azərbaycanı Kreml layhiəsi olan Avrasiya İttifaqına üzv etmək üçün bir qrup ictimai-siyasi xadimlə birgə Azərbaycanda Avrasiya İttifaqı yaratdığını iddia edir.
“Freedom House” beynəlxalq hüquq-müdafiə təşkilatı Azərbaycandakı siyasi idarəetmə üsulunu “möhkəmlənmiş avtoritar rejim” adlandırır.
Qəzet “AZAL”ın 21%-ə qədər endirimlə müxtəlif istiqamətlər üzrə uçuşlara təyin etdiyi yeni qiymətlərin siyahısını dərc edib.
Qəzet yazır ki, rəsmi Bakı Beynəlxalq Valyuta Fonduna Azərbaycanın Maliyyə Sektorunun Stabilliyinin Qiymətləndirilməsilə bağlı hesabatının ictimailəşdirilməsinə qadağa qoyub.
“Ekspress” qəzeti ölkə iqtisadiyyatında pambığın önəmi olmamasına diqqət çəkərək, bunu “ağ qızlın qara günləri” kimi dəyərləndirir.
“Exo” qəzeti yerli ekspertlərin “İraq Şam İslam Dövləti” (İŞİD) adlı terror qruplaşmasının Azərbaycana diqqətini çəkməmək üçün ona qarşı koalisiyaya qoşulmaması mövqeyini ön plana çıxarıb.
Ekspertlər qəzetə açıqlamalarında ölkədə 44 bankdan cəmi 17-sinin fəaliyyət göstərəcəyini deyərək, bank sistemində belə durumun yaranmasına səbəb kimi neftin qiymətinin aşağı olmasını göstəriblər.
“Novoe Vremya” qəzeti “Freedom House” beynəlxalq hüquq müdafiə təşkilatının rəsmi Bakını tənqid etməsini ilk səhifəyə çıxarıb.
“Bizim yol” qəzeti MTN-in keçmiş şefi Nəriman İmranov və Rusiyanın ədliyə generalı İlqar Qasımovun “Avrasiya Hərəkatı” yaratmasını “Kremlin Azərbaycana qarşı yeni ittifaqı” kimi ilk səhifəyə yerləşdirib.
“Yeni Müsavat” qəzeti “Texnikabank”da yaranan ağır maliyyə durumunu önə çəkərək, bunu nazir Samir Şərifov, bankir Cahangir Hacıyev və Mərkəzi Bankın rəhbəri Elman Rüstəmov arasında “bank uğrunda mübarizənin qızışması” kimi ilk səhifəyə çıxarıb.
Ekspetlər qəzetə açılamalarında ölkənin bank sistemindəki durumu “banklar üçün ciddi sınaq dövrünün başlaması” kimi dəyərləndirir, bu prosesin ilin sonuna kimi xeyli sayda bankın lisenziyasının ya ləğvi, ya da kiçik bankların böyük banklar tərəfindən “udulması ”ilə başa çatacağını bildirirlər.
Qəzetin iddıasna görə, Kreml Qafqazın işğalına yönəlik son hazırlıqlara başlayıb, hədəfdə Azərbaycan və Gürcüstandır.
Milli Şuranın parlament seçkilərini boykota hazırlaşdığını yazan qəzet buna qarşı qurumun seçkilərdə iştirak edənləri “şantaja hazırlaşması” iddiası səsləndirir.
Çalışdığı şirkətdə 6 aydır ki, maaşını ala bilməyən Sumqayıt şəhər sakini Məhəmməd Əliyevin şirkət ofisi önündə özünü yandırdığını yazan qəzet onun xəstəxanada keçindiyini bildirir.
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz