Rəsmi qəzetlər Bakı Xoreoqrafiya Akademiyasının Nizamnaməsinin mətnini dərc ediblər.
“Azadlıq” qəzeti “Azadlıq” radiosunun Bakıl ofisinin bağlanmasını “rəsmi Bakı ilə ABŞ arasında qarşıdurmanın sərtləşməsi” kimi manjetə çıxarıb.
Siyasilər “Azadlıq” radiosunun Bakı ofisinin bağlanmasına “rəsmi Bakının sanksiyaları bir az da yaxınlaşdırması” kimi şərh edirlər.
Jurnalsit Əfqan Muxtarlı “Azadlıq” radiosunun Bakı ofisinin bağlanması ilə bağlı istintaqa çağırılıb.
Bazar günü isə polis əməkdaşları radionun əməkdaşlarının evlərinə gedərək onları üst geyimlərini geyinməyə imkan vermədən yataq paltarında dindirilmək üçün prokurorluğa aparıblar.
Tanınmış jurnalist Xədicə İsmayılın həbsinə formal səbəb olan Tural Mustafayev şikayət ərizəsini geri götürmk istədiyi üçün həbsə alınıb və qəzet bunu “Xədicə İsmayıla qarşı əməliyyatın ifşa olunması” kimi dəyərləndirir.
Hökumətə yaxın “publika.az” saytının ABŞ-ın keçmiş səfiri Morninqstarın bir il öncə Qubada dindarlarla görüşu haqda indi məlumat yaymasını qəzet rəsmi Bakının ABŞ-ı hansısa dövlət çevrilişi şousunda ititham etməsi üçün lazım ola biləciyini nəzərə çatdırır.
Sabirabadda 25 sutka inzibati cəza alan AXCP fəalı Mirağa Abbasovun vəkili Bəhruz Bayramovla görüşünə rayon polis rəisinin müavini imkan verməyib.
M. Abbasovun vəkillə təmin olunmasına yardımına görə AXCP fəalı Sahib Rüstəmlinin oğlunun avtomobili cərimə meydançasına aparılıb, özünü isə inzibati cəza alacağı ilə hədələyiblər və bugün Sabirabadda məhkəmə gözlənilir.
“Yeni Müsavat” “Azerros” ictimai təşkilatı uğrunda Abbas Abbasovun adamı ilə rəqibləri arasında çəkişmə olması kimi “mühüm” mövzunu ilk səhifəyə çıxarıb.
Qəzet jurnalist Xədicə İsmayılın həbsinə səbəb olan Tural Mustafevin ərizəsini geri götürməsi haqda “hay-küy” salmasını özünü yenidən mətbuatın gündəminə gətirmək istəməsi kimi dəyərləndirir.
14 saylı həbsxanada məhbus Elşad Babayevin işgəncə ilə ölməsilə bağlı günlərdəki qiyamdan sonra dustaqların durumunun ağır olmasını yazan qəzet siyasi məhbus Yadigar Sadıqovla 4 gündür ki, əlaqə saxlana bilmədiyini nəzərə çatdırır.
Avropa Şurası “Azadlıq” radiosunun Bakı ofisinin bağlanması ilə bağlı bu addımın səbəbləri barədə rəsmi Bakıya müraciət edəcəyini bildirir.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz