Rəsmi və iqtidaryönlü qəzetlər dövlət başçısı İlham Əliyevin Sabirabad, Saatlı, Ağcabədi rayonlarına səfəri, burada bəzi başa çatmış tikintilərin açıqlışında iştirakı barədə yazıları ön səhifəyə çıxarıblar. Bundan əlavə, bu qəzetlərdə sosial müavinətlərin artırılması haqda sərəncamın mətni də dərc edilib.
“Azadlıq”. ABŞ-ın vaxtilə Cənubi Qafqaz ölkələrində diplomatları olmuş şəxslər bu bölgədəki durumla bağlı “The New York Times” qəzetində məqalə ilə çıxış edərək buradakı duruma görə ABŞ-ı ittiham ediblər.
Liberal Partiyanın sədri Lalə Şövkət partiya üzvlərini və tərəfdarlarını Milli Şuranın namizədi Cəmil Həsənliyə səs verməyə çağırıb.
Milli Şuranın icra aparatının rəhbəri Eldar Namazov əsassız iddialarla bağlı ölkə prokuroluğunda 4 saat dindirildikdəın sonra sərbəst buraxılıb.
Cəmiyyət fəalları dövlət başçısı İlham Əliyevin seçkiöncəsi dövlət təltiflərinin sayını artırmasına “təltiflərin ad günü hədiyyəsinə dönməsi” ironiyasını ifadə ediblər.
“Zerkalo” Azərbaycana münasibətdə etikadankənar münasibətə yol verən Litvanın Azərbaycan və Macarıstan diplomatlarının geri çağırılmasını önə çəkib.
Gürcüstanın Adigen rayonunun Çela kəndində məscid minarəsinin uçurulmasına müsəlmanların etirazlarına prezident Saakaşvili və ombudsman Nanuaşvili dəstək veriblər.
“Ekspress” Gürcüstanın Ermənistanla həmsərhəd kəndlərində azərbaycanlıların erməni sərhədçiləri tərəfindən girov götürülmələrinin intensivləşməsinə “gürcü sərhədçiləri hara baxır?” sualı ilə qarşılıq verir.
“Exo” ekspertlərə istinadən Bakıda daşınmaz əmlakın qiymətinin getdikcə artdığını yazaraq qiymətlərin aşağı düşəcəyini gözləməyə dəymədiyini bildirir.
“Novoe Vremya” Azərbaycana gəlmiş ATƏT-in seçkiləri müşahidə missiyasının fəaliyyətindən müsbət nəticə gözlənilmədiyi mövqeyini ifadə edib.
Gürcüstan müsəlmanları Çela kəndində minarəinin uçurulmasını, buna qədər daha iki minarəinin eyni aqibətlə qarşılaşmasını “Gürcüstanda müsəlmanlara qarşı dözümsüzlüyün güclənməsi” kimi dəyərləndiriblər.
“Bizim yol” Milli Şuranın icra aparatının rəhbəri Eldar Namazovun prokurorluqda dindirilməsini önə çəkib.
Milli Şura sədri Rüstəm İbrahimbəyov Londonda qurum rəhbərliyinin nüfuzlu qurumlar və şəxslərlə görüşlərinin nəzərdə tutulduğunu açıqlayıb.
“Yeni Müsavat” Milli Şuranın icra aparatının rəhbəri Eldar Namazovun istintaqa çağırılmasını iqtidarın aparıcı müxalifətə təzyiqlərə start verməsi sayaraq çoxmənalı “başlandı...” mövqeyini ifadə edir.
E.Namazov istintaqa çağırılmasına “belə üsullarla siyasi opponentlərə qarşı mübarizə aparmağın özü cinayətdir” şərhini verib.
Qəzet dəmir yolu sisteminə 3 milyard investisiya qoyulsa da sərnişinlərin daşınmasında yenə də köhnə vaqonlardan istifadə olunmasına “3 milyardlıq korrupsiya” münasibətini ifadə edir.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz