Tbilisi/30.08.13/Turan-BS PRESS: Gürcüstan Patriarxlığı Adigen rayonunun (Samtsxe-Cavaheti regionu) Çela kəndində minarənin sökülməsindən sonra vəziyyətin kəskinləşməsi ilə bağlı bəyanat verib.
Bu bölgədə əsasən erməni əhalisi yaşayır, lakin İslam dininə etiqad edən acarlar da var.
Avqustun 29-da bütün Gürcüstanın katolikos-patriarxı II İlya Gürcüstan müsəlmanların nümayəndələri ilə görüşüb və vəziyyəti müzakirə edib.
Çela kəndindəki minarə avqustun 26-da sökülüb. Bu, islama etiqad edən əhalinin narazılığına səbəb olub.
Etiraz aksiyaları keçirilib. Cümə axşamı məlum olub ki, minarə bərpa olunacaq və bu da öz növbəsində pravoslav dininə olan sakinlərin qəzəbinə səbəb olub.
“"Patriarxlıq Gürcüstanın pravoslav əhalisinin etirazını ədalətli sayır, lakin eyni zamanda müsəlman əhalinin fikirlərinə də şərikdir. Biz xristian və müsəlman əhalini aksiyaların keçirilməsindən çəkinməyə, asayişi qorumağa çağırırıq”, - cümə axşamı yayılan bəyanatda deyilir.
Gürcüstan Patriarxlığı minarəni Çela kəndinin neytral hissəsində olmasını, möhürlənməsini və dövlətin nəzarətinə götürülməsini tövsiyə edib.
“Biz xahiş edirik ki, qanunverici baza tənzimlənməyənə və
Patriarxlıq və Gürcüstan Müsəlmanları İdarəsi arasında görüş olmayana qədər minarə qurulmasın. Həmçinin hökumətdən xahiş edirik ki, dini zəmində iğtişaşların qarşısını almaq üçün dini binaların tikintisini qanunvericilik səviyyəsində müəyyən etsin”, - bəyanatda deyilir.
Eyni zamanda, Gürcüstan QHT-ləri minarənin sökülməsi ilə bağlı Gömrük Departamentinin hərəkətlərini qanunsuz adlandırıblar. Gömrük isə bunu konstruksiyanın çəkisinin və əmtəə kodunun yoxlanması məqsədilə izah edib.
QHT-lər qeyd ediblər ki, minarənin sökülməsi və "müsəlman əhalinin güc qurumları tərəfindən fiziki təhqir edilməsi” müsəlmanların hüquqlarının kobud şəkildə pozulmasıdır.
“Son vaxtlar müsəlmanlara qarşı (Nigvziani, Tsintskaro, Samtatskaro kəndlərində) törədilən xuliqanlıq, təqib, dini ayinlərə müdaxilə, hədə faktları araşdırılmayıb, qanun pozucuları məsuliyyətə cəlb olunmayıb.
Dövlət tərəfindən qeyri-adekvat, səmərəsiz və ayrı-seçkilik hərəkətləri dini zəmində müsəlmanların hüquqlarının pozulmasının müntəzəm xarakter almasına səbəb olub. “Demək olar ki, Çela kəndində baş verən hadisə müsəlmanların dini azadlıqlarının qanunsuz məhdudlaşdırılmasına və diskriminasiya faktlarının artmasına parlaq sübutdur”, - bəyanatda deyilir. -02D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz