Bu ilin I yarısında Azərbaycana gələn xarici ölkə vətəndaşlarının sayı 1 197 min nəfər olub. Bu, 2012-ci ilin eyni dövrü ilə müqayisədə 9,9% çoxdur, deyə Mədəniyyət və Turizm Nazirliyində Turan-a bildiriblər.
Onların çoxu Rusiya Federasiyası (418 min nəfər və ya 35%) və Gürcüstan (400,5 min və ya 33,4%) vətəndaşıdır. Rusiyada 2 mln-a qədər azərbaycanlı yaşayır. Onların çoxu Azərbaycanı 90-cı illərin ortalarında tərk edib. Bir hissəsi Rusiya vətəndaşlığı qəbul edib və vətlə əlaqə saxlayır. Gürcüstanda 0,5 mln etnik azərbaycanlı yaşayır. Onların Azərbaycanda qohumları var.
Türkiyədən Azərbaycana bu il 173,8 min nəfər, İrandan 70,2 min nəfər, Avropa ölkələrindən 51 min nəfər gəlib. Nazirliyin məlumatına görə, Aİ üzvü ölkələrdən turist axını 22,9% artıb. Qalan 83,2 min nəfər başqa regionların payına düşür.
2012-ci ildə Azərbaycana 2,5 mln əcnəbi gəlib. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz