Mətbuat-Monitorinq 31.05.13

Rəsmi və hökumətyönlü qəzetlər Bakıda II Ümumdünya Mədəniyyətlərarası Dialoq Forumunun açılışı, dövlət başçısı İlham Əliyevin tədbirdə çıxışı, qəbulları  haqda xəbərləri ilk səhifələrə çıxarıblar.

“Azadlıq” qəzeti  ölkənin etiraz elektoratını öz ətrafında birləşdirməyi hədəfləyən Milli Şuranın elan olunmasından bir gün öncə PA-da xüsusi toplantı keçirilməsini “Milli Şuranın iqtidarı şoka salması” kimi dəyərləndirir. 

Nazir Ramil Usubovu yalan danışmaqda ittiham etdiyinə görə vəkil Aslan İsmayılov “bandotdel”də zorakılığa və ölümlə təhdidə məruz qalıb.  AXCP vəkil Aslan İsmayılovun “bandotdel”də zoraklığıa məruz qalmasını pisləyən bəyanatında iqtidara “prosesi zor müstəvisinə çəkməmək” xəbərdarlığı edib.

İqtidaryönlü qəzetlərdə Milli Şuraya qarşı aparılan qarayaxma kampaniyasını siyasi ekspertlər “müxalifətin bilriyindən yaranan təlaş kimi” kimi şərh edirlər. Milli Şura yaradılmasını ideya rəhbərlərindən olan tanınımış ziyalı Rüstəm İbrahimbəyov bu qurum əleyhinə çıxanların demokratik qüvvə olmadıqlarını və iqtidara işlədikləri bəyan edib.  

Ölkə siyasətçiləri kütləvi aksiyaların keçirilməsi üçün yeni məkanların ayrılması ilə bağlı rəsmi Bakının bəyanatına “bu vəd dəfələrlə verilib, amma əməl olunmayıb” mövqeyini ifadə ediblər.

“Zerkalo” Rusiyanın hələ Ermənistana ehtiyacı olduğunu önə çəkərək buna görə Qarabağ nünaqişəsinin tənzimlənməsində Kremlin mövqeyində dəyişiklik olacağına inanmağı sadəlövhlük adlandırır.

“Ekspress” orta məktəblərdə “son zəng” məzun törənlərilə bağlı polisin orta məktəbləri nəzarətə götürdüyünü nəzərə çatdırır. 

Nəqliyyat Nazirliyi artıq 105 avtobusda kart aparatı quraşdırıb. Nazirlik marşrutların vahid kart-ödəmə sisteminə keçməsilə bağlı sürücülərin maaşlarının 700-800 manat həcmində müəyyən olunacağını bildirir. 

“Novoe Vremya”  AŞPA rəhbəri Jan Klod Minyonun rəsmi Bakını tərifləməsini iqtidara satılması kimi  dəyərləndirərək buna “Jan Klod Minyon Xəzər qara kürüsününü dequstatoru kimi” mövqeyini ifadə edir.

“Bizim yol” separatçı “Sadval” təşkilatının Dağıstanda Heydər Əliyevin abidəsinin götürülməsilə bağlı aksiya keçirəcəyini yazaraq bunu “Rusiyanın “Sadval” kartının işə düşməsi” kimi şərh edir.

“Yeni Müsavat” RF FTX-nin Azərbaycanda qiyam hazırlaması haqda xəbəri ilk səhifəyə çıxararaq bu xəbərin Almaniyanın “Focus” jurnalında yer aldığını bildirir.

Vəzifəsindən azad edilən Təhsil Nazirliyinin Ali və Orta İxtisas İdarəsinin müdiri İlham Mustafayevin haqqında şok korrupsiya ittihamları səslənib.  

Ölkənin nüfuzlu ictimai-dini xadimlərindən Hacı Mehdi Şamilli amnistiya aktının ona tətbiqinin yubadılması üzündən hələ də azadlığa buraxılmayıb. 

Ekspertlər yaxın günlərdə ölkədə pensiyaların məbləğinin artacağı xəbərləri yayıldıqdan sonra ticarət sistemində bahalaşma başladığını bildirirlər.