Bakı/30.08.22/Turan: Neftçilərin Hüquqlarının Müdafiəsi Komitəsinin rəhbəri Mirvari Qəhrəmanlı Facebook səhifəsində bildirib ki, avqustun 19-da Azərbaycan Dövlət Neft Şirkətinin (SOCAR) prezidenti Rövşən Nəcəfin imzaladığı “SOCAR işçilərinə bəzi əlavə ödənişlərin təyin edilməsinin tənzimlənməsi qaydaları”nın təsdiq və tətbiq edilməsi haqqında əmrilə SOCAR-da (qurumlar və vəzifələr üzrə) peşəkarlığa görə aylıq əlavə ödənişin yuxarı hədləri müəyyən edilib.
Əmrə əsaəsn SOCAR prezidentinin aylıq əməkhaqqının yuxarı həddi 13.008 manat (6.504 əsas əməkhaqqı və 100 faiz əlavə), birinci vitse-prezidentin əmək haqqının yuxarı həddi 12.360 manat (6.180 manat əsas əmək haqqı), vitse prezidentlərin əmək haqlarının yuxarı hədləri 10 min manatdan 12 min manatadək, departament rəhbərləri və onların müavinləri 6 min manatdan 11.500 manatadək, aparıcı mütəxxəsislərin əmək haqları 3.500-dən 4.100 manatadəkdir. Baş direktorlar, onların müavinləri, baş mühəndislər və digərlərinin aylıq əmək haqları 2.500 manatdan 9.050 manatadək hesablanır.
Bununla yanaşı SOCAR strukturuna daxil olan "Azərbaycan Neft Təsərrüfatı" jurnalının işçilərininin də əməkhaqqına əlavələr olunub. Mövcud əməkhaqqı əlavədən sonra redaktor aylıq 8.147, redaktor müavini 7.155, baş mühasib 7.155, baş mühasibin müavini 6.262 manat əməkhaqqı alacaq.
Bütün bu məlumatları hüquq müdafiəçisi Mirvari Qəhrəmanlı SOCAR prezidentinin əmrinə istinad edərək yayıb.
Öz növbəsində, SOCAR hələ bu məlumatlara şərh verməyib. Turan İnformasiya Agentliyi hüquq müdafiəçisinin yaydığı məlumatlatrın doğru olub-olmaması ilə bağlı avqustun 26-da SOCAR-ın mətbuat xidmətinə göndərdiyi sorğuya isə hələ cavab verilməyib.
Qəhrəmanlı hesab edir ki, SOCAR-da yalnız yüksək vəzifəli şəxslərin əməkhaqqının artırılması barədə bu qurumun prezidentinin əmri əmək qanunvericiliyinə ziddir.
“Bir daha təkrar edirəm, əməkhaqqının yüksək olmasının əleyhinə deyilik. Amma sıravi, zülm ilə, həyatını təhlükəyə ataraq, risk edərək neftçıxarmada can qoymuşların əməkhaqqı ilə qoy, özlərinin əməkhaqqını müqayisə etsinlər. Niyə fəhlə cüzi əməkhaqqı almalıdır, amma kabinetdə əyləşən kimlərsə bundan 10 dəfə yüksək məvacib almalıdır”, - o qeyd edib.
Onun fikrincə, əmr dəyişməlidir.
“Əmək Məcəlləsinin 157-ci maddəsinə uyğun olaraq əlavə ödənişlər vəzifə və ya tutduğu peşəyə görə deyil, əmək funksiyasının yerinə yetirilmə bacarığına və peşəkarlığa görə təyin edilməlidir. Peşəkarlığın müəyyən edilməsi meyarları SOCAR tərəfindən əvvəlcədən hazırlanmalı və təsdiq edilməlidir", - Mirvari Qəhrəmanlı qeyd edib.
Qeyd edək ki, dənizdə işləyən neftçilərin maası 1200 manatdan başlayır. Ən yüksək əmək haqqı isə 6-cı dərəcəki qazmaçılarindır - 2800 manatdır.
-03-
Rəy yaz
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
1 rəy
Ceyhun
2024-07-31
Socarda yol idaresinde işləyirəm ən agir şertler altinda yayda 35-40 dərəcə istidə asvalt yayiriq 130-160 dərəcə istiliyi olur maraqlidir niye bu sahənin peşəkar işçilərinə peşəkarliq verilmir halbuki cox sahələr varki rahat serin yerdə əyləşərək işləyir peşəkarliq alir bu nə dərəcədə ədaletlidir. Bele olmamalidir axi hətda işimiz səyyar oldugundan çox vaxt susuz bele qaynar asvalt yayiriq yana yana dözülməzdi ancaq övladimi ailəmi nəzərə alib bu işi görürəm özüm YAP üzvüyəm hətda 12 ildirki betonçu ola ola asvalt betonçu peşəsində çalişiram neftqaz tikinti trstində vəzifəmi dəyişmirlər dəfələrlə müraciətimə baxmayaraq hami zərərli işə görə 8 faiz mən isə 4 faiz aliram buda həm məzuniyətimin az olmasina həm məzuniyyət puluma həm pensiya məsələmə və hər ay hər kəsdən 50 aznədək az maaş almağima səbəb olur iş qabiliyyətimə işdə hər kəs bələddir Allahda şahitdirki hər bir verilən tapşiriği canla başla ən əsasida çox səliqəli görürem mənim kimi işçilər saynandi bizim idarədə lapatkani tərsinə tutanlara bizdən çoxdur hörmət belə olmamalidir axi bu edaletli deyil təşəkkür edirəm nəzərə alacağiniza inaniram