Bakı/24.09.17/Turan: Demokratik Qüvvələrin Milli Şurasının şənbə mitinqində saxlanılan yeddi fəal inzibati qaydada həbs edilib.
AXCP Ali Məclisinin Rəyasət Heyətinin üzvü İradə Nəriman bildirib ki, altı fəal 15, bir fəal 10 sutka inzibati həbs edilib. Onlar polisə tabe olmamaqda təqsirli biliniblər.
AXCP Xətai rayon şöbəsinin üzvü Etibar Məmmədli hələ sentyabrın 21-də mitinqə iştiraka çağırış vərəqələri paylayarkən saxlanılıb. Sentyabrın 22-də 15 sutka həbs olunub.
Partiyanın təşkilat şöbəsinin müdiri Saqif Qurbanov sentyabrın 22-də Səbayel rayon polis şöbəsinə aparılıb. Rayon məhkəməsi onu polisə tabe olmamaq ittihamı ilə 15 sutka həbs edib.
AXCP Gənclər Komitəsinin sədri İlham Hüseynli, Suraxanı rayon təşkilatının sədri Bəhruz Həsənli, AXCP Ali Məclisinin Rəyasət Heyətinin üzvü Emil Salamov və fəal Aqil Məhərrəmov da həmin müddətə həbs olunublar. Partyanın digər üzvü Nicat Nizamov 10 sutka həbs cəzası alıb.
İ.Nərimanın sözlərinə görə, 50-dən çox saxlanılan şəxs cərimə edilib.
O deyib ki, inzibati cəzalarla bağlı qərarlardan yerli məhkəmələrə şikayət veriləcək. Yerli məhkəmə çəkişməsi mexanizmləri başa çatdıqdan sonra Avropa İnsan Hüquqları Məhkəməsinə ərizə göndərilməsi nəzərdə tutulur.
DİN müxalifətçilərin həbsi ilə bağlı bəyanatı hələlik şərh etməyib.
Sentyabrın 23-də BakınınYasamal rayonundakı "Məhsul" stadionunda "Korrupsiyaya yox, siyasi məhbuslara azadlıq!" şüarı ilə aksiya keçirilib. Aksiya iştirakçıları Böyük Britaniyada qeydiyyatdan keçmiş şirkətlər vasitəsilə Azərbaycanda pulların yuyulması barədə beynəlxalq təhqiqatlarda əksini tapan faktların araşdırılmasını tələb ediblər.-06D--
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz