Prezident İlham Əliyevin Neftçala və Salyan rayonlarına səfəri
Bakı/24.09.17/Turan: Bazar günü prezident İlham Əliyev Neftçala və Salyan rayonlarına səfər edib. O, bir neçə sosial-iqtisadi obyektin açılışında iştirak edib.
Neftçalada dövlət başçısının iştirakı ilə sənaye məhəlləsinin açılışı olub. Burada doqquz müəssisə və bir kiçik sahibkarlıq emalatxanası yaradılıb. Həmin istehsalat sahələrinin yaradılmasına 45,3 milyon manat həcmində investisiya qoyulub. Sənaye məhəlləsində 474 daimi işçi yeri yaradılıb.
Məhəllədə ən böyük sənaye müəssisələrindən biri "Аzərmaş"-"İran Khodro" ASC birgə avtomobil zavodudur.
Müəssisənin illik istehsal gücü 10 min avtomobildir.
"İran Khodro" şirkəti 25 faiz paya sahibdir. Zavodda "Runna", "Samand", "Soren", "Dena", "Peugeot-206", "Peugeot-207", "Renault-Tondar", "Renault-Pickup" avtomobilləri istehsal olunacaq.
Burada həmçinin balıq yemi üzrə müəssisə açılıb.
"Metak"MMC Neftçala sənaye məhəlləsində plastik tara istehsalı üzrə müəssisə yaradıb.
"Gilan PİVOT" isə dairəvi suvarma sistemi vasitələrinin istehsalını təşkil edib.
Другое предприятие ООО
"Tоğrul-2008" MMC müəssisəsi suvarma üçün polietilen borular istehsal edəcək.
"Providence Limited" modul tipli məktəb binalarının yığılması üzrə layihə həyata keçirir.
Neftçala sənaye məhəlləsinin digər iştirakçısı "Azproduct" MMC balıq emalı və konservləşdirilməsi üzrə fəaliyyət göstərir.
İ.Əliyev yenidən qurulmadan sonra Neftçala Mərkəzi Rayon Xəstəxanasında yaradılan şəraitlə tanış olub.
Bundan əlavə, prezident 110/35/6 kilovoltluq "Neftçala" yarımstansiyasının açılışında iştirak edib.
İ.Əliyev həmçinin qonşu Salyan rayonunda 110/35/10 kilovoltluq "Qaraqaşlı" yarımstansiyasının açılışında iştirak edib.
Prezidentin gəlişi münasibətilə Salyanda Çuxanlı-Gəncəli-Piratman-Parça-Xələc-Seyidan avtomobil yolu istismara verilib.
Dövlət başçısı Salyanın Xıdırlı kəndində dəniz suyunun duzsuzlaşdırılması kompleksinin fəaliyyətilə tanış olub. -06D--
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz