Bakı/22.01.19/Turan: Milli Şuranın 19 yanvar mitinqinin təşkilatçıları yanvarın 22-də Bakı Şəhər Baş Polis İdarəsinə (BŞŞPİ) dəvət ediliblər. Bu barədə mitinqin təşkilatçılarından İlham Hüseyn bildirib.
Onun sözlərinə görə, təşkilatçıları BŞBPİ rəisi Mirqafar Seyidov qəbul edib.
İ.Hüseynin sözlərinə görə, idarə rəisi yanvarın 19-da keçirilən mitinqdə qanunazidd hərəkətlər olmasını, sahibikarların və ətrafdakı şəxslərin narazılıqalrını nəzərə çatdırmaq istəyib: "Biz də, yəni mitinq təşkilatçıları bildirdik ki, mitinqin gedişində hər hansı qanunazidd addıma yol verilməyib, deyilən yerdə və müddətdə keçirilib. Polis idarəsində bizə izahatı imzalamaq təklif edildi, amma biz təşkilatçılar olaraq sənədi imzalamadıq və bundan imtina etdik".
İ.Hüseyn mitinq təşkilatçılarının polis idarəsinə dəvət olunmalarına da münasibət ifadə edib: "Bu dəvət vətəndaşın ifadə, eyni zamanda qanunla, Konstitusiya ilə qorunan sərbəst toplaşmaq azadığını məhdudlaşdırmaq cəhdidir, demokratik dəyərlərlə üst-üstə düşməyən addımdır, bunu elə belə də dəyərləndiririk".
Xatırladaq ki, Bakı Şəhər Baş Polis İdarəsi və Bakı Şəhər Prokurorluğu Milli Şuranın yanvarın 19-da keçirilmiş mitinqilə bağlı yanvarın 22-də birgə açıqlama yayıb. Açıqlamada yanvarın 19-da keçirilən mitinqdə qanunazidd hərəkətlərə yol verildiyi iddia edilir və bununla bağlı mitinq təşkilatçılarının polis idarəsiə çağırıldığı və nəzərlərinə çatdırıldığı deyilir.
Açıqlamada həm də deyilir ki, gələcəkdə belə hallar təkrar olunsa təşkilatçılara və iştirakçılara qarşı cinayət məsuliyyəti də daxil olmaqla, ən ciddi tədbirlərin görüləcəyinə dair xəbərdar ediliblər.
Xatırladaq ki, yanvarın 19-da mitinq başa çatdıqdan sonra Bakı Şəhər Polis İdarəsi belə bir məlumat yaymışdı:
"Yanvarın 19-da özünü Demokratik Qüvvələrin Milli Şurası adlandıran quruma daxil olan partiya və birliklərin Yasamal rayonundakı idman-sağlamlıq kompleksinin stadionunda Bakı Şəhər İcra Hakimiyyəti ilə razılaşdırılmış mitinqi keçirilib. Saat 15.00-dan 17.00-dək davam edən toplantıda Şuraya daxil olan partiyaların, hərəkatların, eləcə də müxalifətyönümlü bir sıra qeyri-hökumət və gənclər təşkilatlarının ümumi sayı 2800 (iki min səkkiz yüz) nəfərədək olan üzvü və təəssübkeşi iştirak edib.
İctimai asayişin və hüquq qaydasının kobud şəkildə pozulması halları qeydə alınmayıb".
Cəmiyyət
-
Bakıda keçirilən (11-22 noyabr) BMT İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasından (COP29) sonra Azərbaycanda bələdiyyə seçkilərinin vaxtının açıqlanacağı gözlənir. Mərkəzi Seçki Komissiyasının (MSK) sədri Məzahir Pənahov bugünlərdə bildirib ki, bələdiyyə seçkiləri yanvarın 25-dən sonra keçiriləcək.
-
Çərşənbə axşamı Bakıda hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi proqnozlaşdırılır. Gecə və səhər bəzi yerlərdə yağış yağacağı gözlənilir. Gecə yarımadanın ayrı-ayrı yerlərində qısamüddətli intensivləşəcəyi ehtimalı var. Cənub-qərb küləyi axşam şimal-qərb küləyi ilə əvəz olunacaq.
-
Bazar günü, noyabrın 17-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər bəzi yerlərdə arabir yağış yağacağı gözlənilir. Səhər yarımadanın ayrı-ayrı yerlərində qısamüddətli leysan xarakterli olacağı ehtimalı var. Arabir güclənən şimal-qərb küləyi gündüz mülayimləşəcək.
-
Bakıda qalxanabənzər vəzin xərçənginə yoluxma halları sürətlə artıb, həm də həkim-endokrinoloq Sadiq Bəbirov uşaqlarda bu cür patologiyaların çox olduğuna diqqət çəkir.
Rəy yaz