Bu gün Moskvada Azərbaycanın Rusiyadakı səfirliyi qarşısında Azərbaycanda həbs olunmuş hüquq müdafiəçisi, “Tolışi sədo” qəzetinin redaktoru Hilal Məmmədovun hüquqlarını müdafiə aksiyası keçirilib.
Aksiya iştirakçılarının Turan-a verdiyi məlumata görə, piket iştirakçıları Məmmədovu azad etməyi və ona qarşı tamamilə əsassız olan cinayət işinə xitam verməyi tələb ediblər.
Aksiyada Azərbaycanın Moskva diasporunun nümayəndələri və Rusiya hüquq müdafiəçiləri iştirak ediblər.
Xatırladaq ki, Hilal Məmmədov narkotik saxlamaqda, daha sonra isə İranın xeyrinə casusluqda ittiham olunub və bu il iyunun 21-də həbs edilib. Lakin onun həbsinin əsl səbəbi hüquq müdafiə fəaliyyəti və milli azlıqların mədəni hüquqlarını müdafiə etməsidir. Onu 12 ilədək azadlıqdan məhrumetmə cəzası gözləyir. -02D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz