Mövsüm Səmədov aclıq etdiyinə görə karserə salınıb
Qobustan həbsxanasında cəza çəkən Azərbaycan İslam Partiyasının (AİP) lideri Mövsüm Səmədov karserə salınıb. Onun vəkili hesab edir ki, M.Səmədov Konstitusiyaya düzəlişlərlə bağlı referenduma etiraz olaraq avqustun 29-da müddətsiz aclığa başladığına görə cəzalandırılıb.
M.Səmədov düzəlişləri mürtəce hesab edir. Onun fikrincə, bu düzəlişlərin qəbulu ölkədə monarxiya üsul-idarəsinin bərqərarı deməkdir.
M.Səmədovun vəkili Yalçın İmanov müttəhimlə görüşmək üçün sentyabrın 3-də Qobustan həbsxanasına gedib.
Y.İmanov Turan-a bildirib ki, şənbə günü iş günü olmadığını bəhanə edərək M.Səmədovla görüşünə icazə verməyiblər.
Y.İmanovun sözlərinə görə, əslində şənbə günü bütün cəzaçəkmə müəssisələrində iş günüdür.
Vəkil hesab edir ki, onun M.Səmədovun yanına buraxılmamasının əsl səbəbi AİP liderinin aclıq aksiyası keçirməsinə görə karserə salınmasıdır.
Vəkil müttəhimin yanına buraxılmamasını həbsxana əməkdaşlarının özbaşınalığı və M.Səmədovun hüquqlarının pozulması hesab edir.
Penitensiar Xidmətdən şərh almaq mümkün olmayıb.
M.Səmədov 2011-ci ilin yanvarında Azərbaycan hakimiyyətini korrupsiya və dindarların hüquqlarının pozulmasına görə kəskin tənqid etdikdən sonra həbs olunub.
Həmin il oktyabrın 7-də M.Səmədov, bir neçə AİP fəalı və dindar qanunsuz silah saxlamaq, hakimiyyətin ələ keçirilməsi və s. ittihamlarla müxtəlif müddətə həbs olunublar.
M.Səmədov 12 il həbs cəzası alıb. Avropa İnsan Hüquqları Məhkəməsi onun işi üzrə kommunikasiyaya başlayıb.
2014-cü il oktyabrın 9-da Qaradağ Rayon Məhkəməsinin qərarı ilə M.Səmədovu 12 saylı koloniyadan 2 ilini ciddi rejimdə keçirməklə Qobustan həbsxanasına köçürüblər. Şərtlərin sərtləşdirilməsi M.Səmədovun intizamı pozması ilə əsaslandırılıb. Lakin bəzi məlumatlara görə, əsl səbəb M.Səmədovun məhbuslar arasında populyarlığının artması olub. —06B--
Cəmiyyət
-
Azərbaycanın ən sürətlisi “Bakcell” 13-15 sentyabr tarixlərində keçiriləcək “Formula 1 Azərbaycan Qran Pri 2024”ün tədbir tərəfdaşıdır. Bununla bağlı “Bakcell” və Bakı Şəhər Halqası Əməliyyat Şirkəti arasında tədbir sponsorluğuna dair müqavilə imzalanıb.
-
Sentyabrın 13-də Abşeronda səhər və axşam qısamüddətli yağıntı gözlənilir. Bakıda hava dəyişkən olacaq, şimal-qərb küləyi əsəcək. Havanın temperaturu gündüz müsbət 28 + 31 dərəcə, rütubət gecə 70-80 faiz, gündüz 45-55 faiz olacaq.
-
Sentyabrın 11-i səhər saatlarında aralarında gənc, yaşlı, qadın olmaqla, təxminən 25 nəfərin Bəhrəmtəpə-Beyləqan avtomobil yolunun Qaragüvəndikli kəndindən keçən hissəsini bağladıqları bildirilir. "Azadlıq" radiosunun məlumatına görə, etirazçılar ötən ildən itkin düşmüş 11 yaşlı Rasim Xankişiyevin ailə üzvləri, qohumları və həmkəndliləridir.
-
Sentyabrın 12-də paytaxtda isti, quru hava şəraiti davam edəcək. Mülayim şimal-qərb küləyi əsəcək. Havanın temperaturu gündüz 28-32 dərəcə, nisbi rütubət gecə 70-75%, gündüz 40-45% təşkil edəcək.
Rəy yaz